10 September 2018

Usı jıldıń 8-11-sentyabr kúnleri elimizge Yaponiya mámleketinen bir qatar professor-oqıtıwshılardıń keliwi jobalastırılǵan.

Yaponiyadaǵı eń belgili hám abıroylı 9 joqarı oqıw ornınan 10 professor-oqıtıwshınıń keliwi hám olardıń Aral teńizine sayaxat etip, ol jerdegi búgingi jaǵday menen tanısıwı názerde tutılǵan. Sonday-aq, olar sapar dawamında Ájiniyaz atındaǵı Nókis mámleketlik pedagogikalıq institutında bolıp, bul jerdegi oqıw procesi menen jaqınnan tanısadı. Bul haqqında keyinirek tolıq maǵlıwmatlardı saytımız arqalı berip baramız. 
Elimizge bunday joqarı dárejedegi miymanlardıń keliwi hám olardıń orınlarda ushırasıwlar ótkeriwi professor-oqıtıwshılar hám student jaslardıń bilimge jáne de qızıǵıwshılıǵın arttırıwı sózsiz. 

Saxibjamal Esemuratova,
Ájiniyaz atındaǵı Nókis mámleketlik pedagogikalıq institutı «Xalıq aralıq baylanıslar» bólimi metodisti.

Tags: