13 September 2018

Usı jıldıń 10-13-sentyabr kúnleri aralıǵında Tashkent qalasında voleybol boyınsha qızlar komandaları arasında Ózbekstan superkubogı hám absolyut chempionlıǵı ushın jarıs ótkeriliwi jobalastırılǵan edi.

Onda bıyılǵı jılı Ózbekstan chempionlıǵın qolǵa kirgizgen Ájiniyaz atındaǵı Nókis mámleketlik pedagogikalıq institutı komandası hám Ózbekstan kubogı jeńimpazı Ándijan wálayatı komandaları óz ara jarısqa tústi.
Jarıs dawamında Nókis mámleketlik pedagogikalıq institutı komandasınıń sportshı qızları qarsılaslarına hesh qanday imkaniyat qaldırmadı. Esap 3:2, 3:1 hám 3:0 kórinisinde Nókis mámleketlik pedagogikalıq institutı komandası sportshılarınıń jeńisi menen juwmaqlandı hám institut qızlar komandası Ózbekstan super kubogı jáne absolyut chempionlıǵın qolǵa kirgizdi.
Sportshılardı jarısqa Qaraqalpaqstan Respublikasında xızmet kórsetken trener hám sport ustası Azat Kazakov tayarladı.

Islam Matekov,
NMPI baspasóz xatkeri.

Tags: