10 September 2018

Ájiniyaz atındaǵı Nókis mámleketlik pedagogikalıq institutınıń rásmiy veb-saytı http://ndpi.uz saytı jańa dizaynda jumıs basladı.

Saytta maǵlıwmatlar qaraqalpaq, ózbek, rus hám inglis tillerinde járiyalanıwı jobalastırılǵan.

Sayt házirshe test rejiminde jumıs alıp barmaqta.
Sonday-aq, jańa oqıw jılı aldınan instituttıń jańa logotipi de islep shıǵıldı. Logotiptiń ortasında Nókis mámleketlik pedagogikalıq institutınıń 2019-jıldıń aqırına shekem paydalanıwı jobalastırılǵan jańa korpusınıń sırtqı kórinisi sáwlelengen. Logotiptiń joqarı tárepinde Ájiniyaz Qosıbay ulınıń «Bul dúnyanıń kórki – adam balası» degen filosofiyalıq qatarları orın alǵan.

Sonday-aq, logotiptiń tómengi tárepinde instituttıń tolıq atı hám tiykar salınǵan jılı «1934» jıl kórsetkishi ornalastırılǵan.
Qaraqalpaqstandaǵı dáslepki joqarı oqıw ornı ekenligin ańlatıw maqsetinde qaraqalpaq xalqınıń milliy naǵısları logotiptiń joqarı tárepinde yarım sheńber formasında sáwlelengen.

Islam Matekov,
NMPI baspasóz xatkeri.

Tags: