ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Súwretlew óneri hám miynet tálimi

Fakultet dekani:

Darmenov Janjayxan Abuovich

telefon:(+998-97)  562-68-74
e-mail:

jdarmenov@list.ru

fakultet sayti: 

1934-1935-oqıw jılında ashılǵan muǵallimlerdi tayarlaw bólimi tiykarında 1935-jıldıń 1-sentyabrinen fizika-matematika fakul’teti qáliplesip, onıń 1-kursında 19 student oqıdı. Fakul’tetde «Fizika-matematika ilimleri» kafedrası bolıp, oǵan Rossiya joqarı oqıw orınlarınan shaqırılǵan fizika-matematika ilimleriniń kandidatı, docent M. V. Sheglov basshılıq etti. 1936-1937-oqıw jılında Orta Aziya mámleketlik universitetiniń fizika-matematika fakul’tetin pitkergen O.Buleshov, Buxara pedagogikalıq institutın pitkergen M. Galekeevlar jumısqa alınıp, fakul’tet jas qániygeler menen tolıqtırıldı. 1937-jılı fakul’tettiń 15 pitkeriwshisine «Fizika hám matematika» muǵallimi diplomı berildi. 1948-1949-oqıw jılında oqıw saatlarınıń kóbeyiwi menen «Fizika-matematika ilimleri» kafedrası «Matematika» hám «Fizika» kafedrasına bólindi. «Matematika» kafedrasında professor oqıtıwshılardan O. Buleshov, M. Galikeev, J. Duysengaliev, J. Penskiy, N. Zinovanlar, al «Fizika» kafedrasında P.F.Kromer, A. Nurımbetov, A. Majitov, A. Aliev, A. Nurmanov, V. N. Kimlar xızmet etti. Ullı Watandarlıq urıs jıllarında nemec-fashist basqınshılarına qarsı sawashta fizika-matematika fakul’teti tárbiyalanıwshısı, 47-aviaciya polkiniń ushqısh-baqlawshısı, gvardiya aǵa leytenant Plis Kol’geldievich Nurpeysov qaharmanlıq kórsetti. Úsh mártebe danq ordeniniń kavaleri P.K. Nurpeysovqa 1945-jıl aprel’ ayında dushpan tılında 100 jawıngerlik tapsırmanı orınlaǵanı ushın Sovetler Soyuzınıń qaharmanı ataǵı berildi. 1959-jıldan baslap fizika, matematika, miynet sabaqların oqıtatuǵın qániygeli muǵallimler shıǵarıla basladı. 1961-jılı «Ulıwma texnikalıq pánler» kafedrası ashılıp, dáslep onı aǵa oqıtıwshı A. Nurımbetov, onnan keyin Qaraqalpaqstan ASSRına miyneti sińgen ilim hám texnika ǵayratkeri A. Nurmanov hám docent J. Qaypnazarovlar basqardı. Fizika-matematika fakul’tetin pitkeriwshilerden miynet maydanında ózlerin jaqsı tamannan kórsetken K.Abdirov, A.I. Balakin, A.A. Jurbin, U. Xojanazarov, A. Tajibaev, K. Yusupovlar Respublikada basshı lawazımlarda jumıs isledi. Ayırım pitkeriwshiler fakul’tette oqıtıwshı bolıp islep, ilimiy ataqlarǵa iye boldı. Olardan fizika-matematika ilimleriniń dok­torı, professor E. Jaksımov, professorlardan J. Kutlımuratov, A. Otarov, B. Abdikamalov, Sh. Kaniyazov hám t.b. 1976-jılı Nókis mámleketlik universitettiń ashılıwı menen pedinstituttaǵı qániygelikler universitet quramına ótkerildi. 1990-jıldıń 1-sentyabrinde Ájiniyaz atındaǵı Nókis mámleketlik pedagogikalıq institutınıń ashılıwına baylanıslı, onıń injener pedagogika fakul’tetine universitettiń 1989-1990-oqıw jılında qabıllanǵan «Miynet hám kásipke baǵdarlaw» qániygeliginiń 1-kurs ishki bóliminiń 40 studenti, al sırtqı bólimniń 50 studenti ótkerildi. Fakul’tetke dekan etip texnika ilimleriniń kandida­tı, docent Turmanov Imamatdin belgilendi. Fakul’tet quramındaǵı «Ulıwma matematika» kafedrasına docent B.S. Axmetov, al «Fizika hám miynetke úyretiw» kafedrasına docent Q. Palwanov basshılıq etti. Ózbekstan Respublikası ǵárezsizlikke eriskennen keyingi dáwirde fakul’tetimizde oqıw, tálim-tárbiya, ilimiy izertlew jumısları Ózbekstan Respublikası Bilimlendiriw haqqında nızamı hám «Kadrlar tayarlaw Milliy dástúri» tiykarında alıp barıldı. 1991-1993-jıllarda fakul’tette miynet, miy­net hám fizika, miynet hám informatika, miynet hám ekonomika, fizika hám informatika, sızıw hám kórkem-óner qánigelikleri boyınsha kadrlar tayarlaw jolǵa qoyıldı. 1996-jılı qánigeliklerdiń kóbeyiwine baylanıslı fakul’tet quramınan «Injener-pedagogika» fakul’teti ajıralıp shıqtı hám oǵan docent K.Turdanov dekan etip bekitildi. 1997-jılı fakul’tet quramınan «Suwretlew óneri, súwretlew óneri hám sızbashılıq» fakul’tetiniń shólkemlestiriliwi menen bul fakul’tettiń quramına ótkerildi. 1999-2001-oqıw jılları dawamında injener-pedagogika fakul’teti dekanı bolıp docent K.Paluanov, 2001-2003-jıllarda docent M. Arzuovlar isledi. 2003-jılı «Injener-pedagogika» fakul’teti Fizika-texnika fakul’teti bolıp ózgerdi, fakul’tetke docent B. Ibragimov, f-m.f.n. K. Turdanovlar, 2005-2006-oqıw jılında «Fizika-texnika», «Matematika-informatika» fakul’tetleri hám «Súwretlew óneri hám sızbashılıq» kafedraları birlestirilip «Fizika-matematika» fakul’teti bolıp shólkemlestirildi. 2005-2009-jıllarda fakul’tet dekanı bolıp f-m.f n. K.Turdanov jumıs alıp bardı. 2008-2009-oqıw jılında institutta «Mektepke shekemgi tárbiya» fakul’teti shólkemlestirilip onıń quramında «Súwretlew óneri hám sızbashılıq» kafedrası ótkerildi. 2009-2010-jıllar dawamında fakul’tetke f-m.f.n. M. Jalelov basshılıq qıldı. 2010-2014-jıllarda fakul’tette f-m.f.n. Q.Q.Elgondiev basqardı. 2014-2015-jıllarda fakul’tette f-m.f.n. J. Seypullaev basqardı. 2015-2017-jıllarda fakul’tette t.f.n. M. Jumamuratov basqardı. 2018-jılda miynet tálimi kafedrasi fizika-miynet  fakulteti quramında bolıp bul waqıtta fakultetti B.Ibragimov basqarıb bardı. 2019-jıldan institutta Súwretlew óneri hám miynet tálimi fakulteti shólkemlestirilip fakultet dekanı wazıypasın p.i.k. docent J.Darmenov basqarıp kelmekte. Fakultet quramında miynet tálimi, súwretlew óneri hám injenerlik grafikası kafedraları jumıs alıp barmaqta. Búgingi kúnde fukultetimizde 463 talaba jaslar bilim almaqda.

Fakul’tet  quramındaǵı  kafedralar dizimi:

  1. Súwretlew óneri hám injenerlik grafikası
  2.  Miynet tálimi kafedrası

Tálim baǵdarları :

  1. 5110800-«Súwretlew óneri hám injenerlik grafikası»
  2. 5112100 – Texnologiyalıq tálim

Magistratura qánigelikleri:    

  1. Texnologiyalıq tálim teoriyası hám metodikası
  2. Súwretlew óneri hám ámeliy bezew óneri
    1.