Baslawısh tálim
 |
Fakultet dekanı: |
Pedagogika ilimleri kandidatı, professor Seytjanova Ulbosın Kudaybergenova |
|
Telefonı: |
+99891-394-57-77 |
|
|
e-mail: |
U.Seytjanova @mail.ru |
|
|
Qabıllaw waqtı |
dúyshembi, siyshembi hám piyshembi saat 15:00 – 18:00 |
 |
Dekan orınbasarı: |
Nazarbaev Farxat Orazbaevich |
|
Telefonı: |
+99888-185-77-85 |
|
|
e-mail: |
fnazarbaev85@mail.ru |
|
|
Qabıllaw waqtı |
siyshembi hám juma saat 15:00 – 18:00 |
 |
Dekan orınbasarı: |
Saburov Davronbek Bazarbaevich |
|
Telefonı: |
+99891-370-27-12 |
|
|
e-mail: |
|
|
|
Qabıllaw waqtı |
dúyshembi, siyshembi hám piyshembi saat 15:00 – 18:00 |
Baslawısh tálim fakulteti tariyxı haqqında qısqasha
Qaraqalpaq mámleketlik pedagogikalıq institutında 1958-jıldan baslap baslawısh klaslarǵa joqarǵı maǵlıwmatlı oqıtıwshılar tayarlaytuǵın pedagogika fakulteti ashıldı. Usı jıldan baslap fakultette islewshi pedagog-xızmetkerler járdeminde tiykarınan Qaraqalpaqstan Respublikasındaǵı barlıq qaraqalpaq, ózbek, qazaq hám orıs mektepleriniń baslawısh klasları, Xorezm hám Buxara oblastları, sonday aq końsılas Túrkmenstan Respublikası ushın, joqarı maǵlıwmatlı baslawısh klass muǵallimlerin tayarlap basladı. Pedagogika hám Baslawısh tálim fakulteti bolıp shólkemlestirilgennen baslap usı fakultette D.Satimov, G.Najimov, J.Qayırbaev, A.Tóreev, G.Abipov, A.Bekbasov, Q.Qosnazarov hám J.Narımbetovlar dekan lawazımında islegen bolsa, professorlardan Ya.M.Dosumov, J.A.Orınbaev, docent A.T.Timashova hám basqada professor-oqıtıwshılar jaslarǵa tálim-tárbiya bergen.
1990-jıldan baslap Respublikamızdıń orta mektepleri ushın joqarı maǵlıwmatlı oqıtıwshılar tayarlawǵa baǵdarlanǵan Nókis mámleketlik pedagogikalıq institutı qaytadan ashılıp, dekabr ayınan baslap Baslawısh tálim fakulteti óz aldına qaytadan ashıldı.
Bul fakultetke 1990-1993 jılları doc. Q.Qosnazarov, 1993-2002 jılları doc. A.Pazılov, 2003-2008 jılları doc. P.Najimov, 2008-2010 jılları doc. J.Jalǵasbaev, 2010–2013 jılları doc. Sh.Saparov basshılıq etken bolsa, 2013-jıldıń aprel ayınan baslap professor. U.Seytjanova basshılıq etip kelmekte.
Fakultet quramındaǵı kafedralar:
Házirgi waqıtta fakultet quramında eki kafedra «Baslawısh tálim», «Ulıwma pedagogika hám psixologiya» kafedraları xızmet kórsetpekte.
“Baslawısh tálim” kafedrası dáslep 1966-jılı shólkemlestirilip, dáslepki atı “Baslawısh tálim metodikası” kafedrası bolıp, 1990-jılı jańadan shólkemlestirilgen Ájiniyaz atındaǵı Nókis mámleketlik pedagogikalıq institutınıń ashılıwı menen birge dúzildi.
2015-jıldan baslap búgingi kúnge shekem “Baslawısh tálim” kafedrası bolıp atalıp kelmekte. Kafedrada 24 oqıtıwshı jumıs alıp barıp, 1 ilim doktorı, 1 ilim kandidatı, 4 pedagogika ilimleri boyınsha filosofiya doktorı, 2 aǵa oqıtıwshı, 7 assistent hám 9 stajyor oqıtıwshıdan ibarat.
2019-jıldan berli “Baslawısh tálim” kafedrasına pedagogika ilimleri doktorı, docent Z.K.Kurbaniyazova basshılıq etip kelmekte.
«Ulıwma pedagogika hám psixologiya» kafedrasında 28 professor-oqıtıwshılar isleydi, ilimiy kórsetkish 35,70% kafedra baslıǵı p.i.d.,professor Utebaev Tajibay Tileumuratovich, kafedrada 2 ilim kandidatı, professor, 7 ilim kandidatları, docentler, 6 úlken oqıtıwshı, 9 assistent oqıtıwshı, 3 stajyor oqıtıwshı jumıs islep atır.
Kafedramız professor-oqıtıwshıları tárepinen hár oqıw jılında Respublika kóleminde, Shet el jurnallarında skopus hám web of science bazadaǵı jurnallarda maqallar járiyalanıp tur, kafedrada oqıtılatuǵın pánler boyınsha oqıw qollanbalar, sabaqlıqlar baspadan shıǵıp atır.
Baslawısh tálim fakulteti tiykarınan ulıwma orta bilim beriw mektepleri ushın joqarı maǵlıwmatlı baslawısh klass oqıtıwshıların tayarlaydı.
2023-2024-oqıw jılında Baslawısh tálim fakultetinde 60110500 – Baslawısh tálim bakalavriat tálim baǵdarı boyınsha 1-2-3-kurslarda 484 student, 5111700 – Baslawısh tálim bakalavriat tálim baǵdarı boyınsha 4-kurslarda 274 student, jámi fakultette 758 student tálim almaqta.
Fakultette tálim 5 tilde – ózbek, qaraqalpaq, qazaq, túrkmen hám rus tillerinde alıp barıladı. Sabaqlar tiller kesiminde tájiriybeli oqıtıwshılar tárepinen alıp barılmaqta.
Kurbaniyazova Zamira Kalbaevna – pedagogika ilimleri doktorı (DSc), docent. Ol 2017-jıldan baslap “Baslawısh tálim” kafedrasında oqıtıwshı bolıp islep kelmekte. Búgingi kúnde “Baslawısh tálimde tárbiya páni”, “Baslawısh tálim pedagogikası”, “Tárbiya isler metodikası”, “Baslawısh tálim pedagogikası, innovaciya hám integraciyası”, “Kreativ tálim”, “Pedagogikalıq konfliktologiya” ánlerinen sabaq berip kelmekte.
Kallibekova Gulayda Abdullaevna – pedagogika ilimleri kandidatı, docent. Ol 2018-jıldan baslap “Baslawısh tálim” kafedrasında oqıtıwshı bolıp islep kelmekte. Búgingi kúnde “Qánigelikke kirisiw”, “Ana tili-oqıw
sawatlılıǵı hám onı oqıtıw metodikası”, “Ana tili hám oqıw sawatlılıǵında klastan tıs jumıslar”, “Baslawısh tálim pedagogikası”, “Pedagogikalıq akmeologiya”, “Ana tilin oqıtıw metodikası”, “Baslawısh tálim pedagogikası, innovaciya hám integraciyası”, “Pedagogikalıq sheberlik”, “Baslawısh klaslarda ana tilinen klastan tıs jumıslar”, “Baslawısh tálimde pánler teoriyası”, “Baslawısh tálimde lingvodidaktikalıq mashqalalar” pánlerinen sabaq berip kelmekte.
Tajbenova Saule Sarsengalievna – pedagogika ilimleri boyınsha filosofiya doktorı (PhD), docent. Ol 2004-jıldan baslap “Baslawısh tálim” kafedrasında oqıtıwshı bolıp islep kelmekte. Búgingi kúnde “Qánigelikke kirisiw”, “Ana tili-oqıw sawatlılıǵı hám onı oqıtıw metodikası”, “Baslawısh tálim pedagogikası”, “Ana tilin oqıtıw metodikası”, “Baslawısh klaslarda xabar texnologiyaları”, “Baslawısh klaslarda ata-analar menen islesiw jolları”, “Baslawısh klaslarda súwretlew ónerin oqıtıw metodikası”, “Til biliminde jańa tendenciyalar”, “Baslawısh tálimde pedagogikalıq izertlewler” pánlerinen sabaq berip kelmekte.
Nagmetova Nursulu Muratbaevna – pedagogika ilimleri boyınsha filosofiya doktorı (PhD), docent. Ol 2010-jıldan baslap “Baslawısh tálim” kafedrasında oqıtıwshı bolıp islep kelmekte. Búgingi kúnde “Baslawısh tálimde tárbiya páni”, “Texnologiya tálimi hám onı oqıtıw metodikası”, “Kreativ tálim”, “Pedagogikalıq sheberlik”, “Baslawısh tálimde zamanagóy pedagogikalıq texnologiyalar”, “Baslawısh klaslarda súwretlew ónerin oqıtıw metodikası”, “Baslawısh tálimde pedagogikalıq diagnostika hám menedjment”, “Joqarı hám professional tálimde qánigelik pánlerdi oqıtıw metodikası” pánlerinen sabaq berip kelmekte.
Ulıwma pedagogika hám psixologiya kafedrasında «Ulıwma pedagogika» hám «Ulıwma psixologiya» pánleri bar. Institumızdıń derlik kópshilik fakul’tetleriniń bakalavr baǵdarlarınıń 1-kursına Ulıwma psixologiya, 2-kurslarǵa Ulıwma pedagogika páninen sabaq berip kelmekte, kafedramızdıń professor-oqıtıwshıları ózine tiyisli lekciya hám ámeliy sabaqlardı házirgi zaman talabına say ótip atır.
Nókis qalası Bilimliler kóshesi nomersiz jay. NMPI 5-imaratı Telefon +99891-394-57-77
Fakultet quramındaǵı kafedralar: