Shet tilleri – Ájiniyaz atındaǵı Nókis mámleketlik pedagogikalıq institutı

	Fakultet dekani	I.U.Dilmanov
	telefon:	(+998-93) 712-64-64
	e-mail:	ilyusha.dilmanov@mail.ru
	fakultet sayti:	http://forlang.ndpi.uz

Fakultet haqqında qısqasha maǵlıwmat.

Fakul’tet 1937-jılı pedagogikalıq instituti quramında rus tili hám ádebiyati fakul’teti bolıp dúzildi. Ol 1963-jılı «Shet tilleri fakul’teti» bolıp qayta ataldı. Fakul’tet óziniń bay tariyxı hám dástúrlerine iye. Bul fakul’tetti respublikamızǵa belgili alımlar, akademikler M.Nurmuxamedov, U.Xamidov, Ózbekstan hám Qaraqalpaqstan xalıq jazıwshısı T.Kayipbergenov, A.Óteniyazov hám bir qatar mámleket iskerleri pitkergen. 1990-jılı pedinstitut qayta ashılıp, onıń quramında rus tili hám ádebiyatı fakul’teti óz jumısın dawam etti. 2000-jılda rus-inglis filologiyası, 2004-jıldan baslap shet tilleri fakul’teti atı menen júritilip kelmekte. Bul fakul’tetke 1990-2017-jıllar aralıǵında professor Q.Qoshanov, doc. B.Xoshanov, doc. G.Qurbaniyazov, f.i.k. M.Abdullaev, f.i.k. B.Shaniyazov, p.i.k. D.Mamırbaevalar basshılıq etken. 2017-jıl iyun’ ayınan baslap bul fakul’tetke f.i.k., doc. Il’ya Dil’manov basshılıq etpekte. Dekan orınbasarları lawazımında S.Saparov, M.Allaniyazova hám N.Mambetaminov islep kelmekte. Házirgi kúnde inglis tili hám ádebiyatı, rus tili hám ádebiyatı, fakul’tetler ara shet tilleri kafedralarında 70 pedagog xızmetkerler jumıs alıp barmaqta, sonıń ishinde 1 professor, 8 filosofiya doktorı (PhD), 9 ilim kandidatı hám docentler bar bolıp, bul jámáát 1102 talabaǵa tálim-tárbiya berip kelmekte. Fakul’tette inglis tili hám ádebiyatı, rus tili hám ádebiyatı, rus tili hám ádebiyatı (ózge tildegi toparlarda) bakalavr tálim baǵdarı boyınsha tayarlanadı. Sonday-aq, 2018-2019 oqıw jılında magistraturada rus tili hám ádebiyatı qániygeligi boyınsha kadrlar tayarlaw jumısı baslandı.

Fakultet quramındaǵı kafedralar:

Rus tili hám ádebiyatı kafedrası

Eńdáslep rus tili hám ádebiyatı kafedrası T.G.Shevchenko atındaǵı Qaraqalpaq mámleketlik pedagogikalıq institutınıń rus tili hám ádebiyatı fakul’tetiniń quramında iskerligin alıp bardı. Kafedrada Qaraqalpaqstandaǵı birinshi akademiklerdiń biri M.Nurmuxamedov, G.D.Petrov, N.A. Urumbaev, A.A.Azizov, E.Berdimuratov, A.Umarovsıyaqlıprofessorlar lekciya oqıdı. Rus tili hám ádebiyatı kafedrasınıń professor oqıtıwshıları kóplegen monografiya, ulıwma bilim beriw mektepleri menen akademiyalıq licey hám kolledjlerge arnalǵan sabaqlıq, okıw qollanbalardıń avtorları. Bul tarawda professor E.Berdimuratov, A.Urumbaev, A.U.Umarov, K.M.Koshanov, docentler A.Djaksıbaev, U.Yu.Matkurbanov, Yu.X.Matkurbanov, S.E.Allayarov, B.Xoshanov, T.Xalmuratov, Z.Shamuratova, N.Orımbetova, G.Allamuratova, I.Dil’manov, E.Eshniyazova, N.Turabaeva hám basqalardıń miynetlerin ayrıqsha atap ótiw orınlı.

Búgingi kúnde kafedrada 18 dan artıq qánigeler, sonnan 1 professor, 7 ilim kandidatı, 4 úlken oqıtıwshı, 3 tájiriybeli assistant oqıtıwshı, 3 stajer-oqıtıwshılar jumıs alıp barmaqta. Kafedra baslıǵı – pedagogika ilimleri kandidatı, docent Aygul Xodjaniyazova.

Inglis tili hám ádebiyatı kafedrası

Ingliz tili hám ádebiyatı kafedrası dáslep 1950-jılda Qaraqalpaq mámleketlik pedagogikalıq institutında ashılǵan. Sol dáwirden berli J.Allamuratov, A.P. Rogach Modement, I.P.Chuxmina, J.Lebel, N.Andrianova, A.A.Qurbanazarov, J.R.Xasanova, K.X.Kamalov, M.N.Madriyakova, Virva, S.Y.Ismoilov, E.Bozorboev, B.Abdireimov, G.D.Melnik, A.V.Tuney, N.Yo‘ldoshov, R.Rzayeva sıyaqlı kóplep alımlar hám metodistler jas áwladtı tárbiyalawǵa úles qostı.

Búgingi kúnde kafedrada 30 dan artıq qánigeler, sonnan 2 ilim kandidatı, 5 PhD, 2 úlken oqıtıwshı, 21 tájiriybeli assistent-oqıtıwshılar jumıs alıp barmaqta. Kafedra baslıǵı – pedagogika ilimleri kandidatı, docent Alya Tajieva.

Fakultetler ara shet tilleri kafedrası

Fakultetler ara shet tilleri kafedrası 1954-jildan beri Nokis Pedagogikaliq Institutında jumıs alıp barıp atırǵan kafedra. Kafedranıń tiykarın salıwshılar J.A.Allamuratov, Tashkent mámleketlik pedagogik institutınıń qarlıǵashları P.Qurbanazarov, A.P.Rogach, M.O.Diment, I.V.SHuxmina, D.J.Lebel bolǵan. Kafedrada bir qansha tajiriybeli oqıtıwshılar T.Dosanov, T.Ermanov, S.Ya.Virva, A.N.Rublyova, Z.J.Urumbaeva, G.Boranbaeva, A.Bekmuratova, N.Kurtebaeva hám U.Iklasovlar jumıs alıp barǵan. Jumıs dawirinde kafedranı K.Orazbaev, f.f.n. P.Qurbanazarov, Q.Qiyasova, B.Shaniyazov, X.Djumanazarova, f.f.n. N. Xamidov, D.Berdimuratov, f.f.n. J. Seytjanov, A.Tajieva hám N.Babaniyazovalar basqarǵan. Házirde kafedranı p.i.f.d (PhD), docent F.Kaipbergenova basqarıp kelmekte. Kafedra institutımızdıń bakalavriat tálim baǵdarınıń barlıq qanigeliklerinde talabalarına shet (inglis, nemis) tillerinen bilim beriwge arnalǵan. Kafedra hár jılı jas, ǵayratlı hám shaqqan kadrlar menen kόbeyip kelmekte, házirgi kúnde 20 professor oqıtıwshı talabalarǵa bilim sırların úyretip kelmekte. Kafedrada 2 docent, 1 p.i.f.d (PhD), 4 úlken oqıtıwshı, 12 assistent oqıtıwshılar hám 1 stajor oqıtıwshı xizmet kόrsetpekte.

Fakultette bar bolǵan tálim baǵdarları tálim shifri menen:

5111400 – Shet tilleri hám ádebiyatı (Inglis tili hám ádebiyatı)

5111300 – Ana tili hám ádebiyatı (Rus tili hám ádebiyatı)

5111300 – Ana tili hám ádebiyatı (Rus tili hám ádebiyatı ózge tildegi toparlarda)

Fakul’tet quramındaǵı kafedralar dizimi:

Fakul’tet professor-oqıtıwshıları óz sabaqlarında jańa pedagogikalıq texnalogiyalardan, oqıtıwdıń innovacion usıllardan paydalanbaqta. Olar jańa pedagogikalıq texnologiyalardı ózlestiriwde, tálim boyınsha xalıqaralıq baylanısların rawajlandırıwda aldaǵı orınlarda. Fakul’tet AQSh, Ullı Britaniya, Rossiya, Franciya, Hindistan hám basqa da mámleketlerdiń halıqaralıq fondları menen birge islep kelmekte.

5. Fakultet jaylasqan bina tolıq adresi hám baylanıs telefon nomerleri: