ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Dene mádeniyatı

Fakultet dekanı

b.i.k., dotsent A.Q.Utepbergenov 

telefon:

+99891 381-33-90

e-mail:

dekanat_dm@inbox.uz

fakultet veb-saytı:

dmfak.ndpi.uz

Dene mádeniyatı fakulteti 1956 jıli ashilǵan bolıp, fakultet tiykarinan eki kafedradan ibarat. Dene tárbiya hám fakultetler ara dene tárbiya kafedraları. Bul kafedralarda Qaraqalpaqstan hám Ózbekstan respublikası xalıq bilimlendiriw wázirliginiń úlgili oqıtıwshıları  islep kelmekte. Ájiniyaz atındaǵı Nókis mámleketlik pedagogikalıq institutınıń Dene mádeniyatı fakulteti studentleriniń kópshiligi joqarı dárejedegi professional sportshılar bolıp tabıladı. Fakultetimizdiń kópshilik studentleri Qaraqalpaqstan Respublikasınıń futbol, voleybol hám basqa da sport túrleri boyınsha saylandı komanda aǵzaları bolıp, respublika hám xalıq aralıq kólemindegi sport jarıslarında saylandı komanda aǵzaları sıpatında elimiz abıroyın artıwda óz úleslerin tımbastan qosıp kelmekte. NMPI niń hayal-qızlar voleybol saylandı komandası Qaraqalpaqstan Respublikasında jetekshi komanda bolıp, institutımız voleybolshı qızlarına voleybol sport túri boyınsha sport ustası Azat Kazakov basshılıq etip kelmekte. Onıń tárbiyalaǵan voleybolshı qızlar komandası Universiyada oyınlarınıń chempionı, qala berse respublika kóleminde ótkerilgen hár qıylı chempionat hám turnirlerdiń altın, gúmis hám qola medallarınıń jeńimpazları  bolıp tabıladı. Sonı ayrıqsha aytıp ótiw kerek fakultetimiz sportshı jasları «Universiada-2021» sport oyınlarında Qaraqalpaqstan Respublikası saylandı komandaları quramında respublika kóleminde ulıwma komandalıq esapta sıylı 2-orındı iyeledi.

Fakul’tet  quramındaǵı  kafedralar dizimi:

  1. Dene tárbiya kafedrası
  2. Fakultetler ara dene tárbiya kafedrası

Tálim baǵdarları :

  1. 5112000 – Dene mádeniyatı
  2. 5112001 – Xayal qızlar sportı