Мектепке шекемги билимлендириў факультети «Мектепке шекемги билимлендириў педагогикасы ҳәм психологиясы» кафедрасы баслығы, педагогика илимлериниң кандидаты, доцент Бекимбетова Айнагул Амангельдиевна  мектепке шекемги билимлендириў бағдары 4-курс қарақалпақ топары студентлерине «Мектепке шекемги тәлимди оқытыўда технологиялар ҳәм жойбарластырыӯ» пәни бойынша  «Технология мазмуны ҳәм оның әҳмийети» темасында ашық сабақ өтти.

Ашық сабаққа факультет деканы, доцент М.Алламбергенова, эксперт сыпатында Қарақалпақ мәмлекетлик университетиниң үлкен оқытыўшысы Н.В.Пирниязова ҳәм факультеттиң бирқатар профессор-оқытыўшылары қатнасты.

Лекция сабағы интерактив тәризде шөлкемлестирилди, студентлер билимлендириў технологиялары ҳаққындағы илимий дәреклерди үйрениўде белсенди болды. Лекция сабағы болыўына қарамастан аудиторияда креатив зоналар жаратылды. Студентлердиң белсендилигин арттырыўшы, көргизбели, креативликке түртки беретуғын  интерактив методлар колланылды. Оқытыўшы бүгинги дәўир талапларына муўапық компьютер технологияларының мүмкиншиликлеринен табыслы пайдаланды.