Алдын хабар бергенимиздей, жоқары оқыў орынлары студентлери арасында ҳәр жылы өткерилип киятырған «Қуўнақлар ҳәм зийреклер» республикалық таңлаўының шерек финал ойынларының кестеси жәрияланған еди.

Кестеге муўапық, Әжинияз атындағы Нөкис мәмлекетлик педагогикалық институтының «Туран» командасы усы жылдың 25-сентябрь күни шерек финал ойынында қатнасты. Шерек финалдың 5-ойыны сыпатында көрсетилген бул басқыштағы қарсылас командалар төмендегилер болды:

1) Гүлистан мәмлекетлик университетиниң «Божалар» командасы;

2) Өзбекстан мәмлекетлик көркем өнер ҳәм мәденият институтының «Art-study» командасы;

3) Үргениш мәмлекетлик университетиниң «Ёшуллилар» командасы;

4) «Наўайы азот» өндирислик бирлеспеси «Ширин» мәденият сарайының «Ака-укалар» командасы.

Шерек финал басқышы саат 15:00 де «Түркстан» сарайында болып өтти.

Қуўанышлы тәрепи, шерек финалдың 5-ойынында Әжинияз атындағы Нөкис мәмлекетлик педагогикалық институтының «Туран» командасы 1-орынды ийеледи.