Ájiniyaz atındaǵı Nókis mámleketlik pedagogikalıq institutı rektorı Bayrambay Otemuratov basshılıǵında 2023-jılda bilimlendiriwdiń sapasın hám nátiyjeliligin arttırıw máselelerine arnalǵan jıynalıs bolıp ótti.

Ilajǵa prorektorlar, rektor másláhátshileri, fakultet dekanları, bólimler hám kafedralardıń baslıqları qatnastı.

Jıynalısta rektor Prezidentimizdiń Oliy Majliske hám Ózbekstan xalqına jollaǵan Múrájatında joqarı oqıw orınlarında bilimlendiriwdiń sapasın arttırıw hár bir joqarı bilimlendiriw mákemesiniń professor-oqıtıwshıları hám jámáátine baylanıslı ekenligin atap ótip, aldımızǵa birneshe wazıypalardı belgilep bergenligine toqtaldı. Bunnan kelip shıǵıp, jıynalıs qatnasıwshıları jıl dawamında usı másele boyınsha ámelge asırılatuǵın jumıslar boyınsha ózleriniń pikir hám usınısların bildiriwi áhmiyetli ekenligi bildirildi.

Sonday-aq, ótken jıldıń juwmaqları boyınsha bilimlendiriw sapası boyınsha milliy reytingdegi kórsetkishlerdi jetilistiriwge baǵdarlanǵan jumıslar sın kózqarastan kórip shıǵıldı.

Jıynalısta respublikamız aymaǵında 10-yanvardan baslap hawa temperaturasınıń keskin tómenlewi dáwirinde xalıqtıń arasında, ásirese, bilimlendiriw shólkemlerinde máwsimlik gripp keselliginiń keskin artıp ketiwiniń aldın alıw maqsetinde joqarı hám professional bilimlendiriw mákemeleri, akademiyalıq liceylerdiń student-oqıwshıları ushın qısqı dem alıs múddeti 2023-jıl 18-yanvarǵa shekem uzaytılǵanlıǵı, sonlıqtan, student-jaslar ushın onlayn pán olimpiadaları, hár qıylı intellektual tańlawlar, viktorinalar, ilimiy maqalalar, tezisler jazıw boyınsha seminarlar shólkemlestiriw boyınsha anıq tapsırmalar berildi.

Ilaj qatnasıwshıları atap ótilgen máseleler boyınsha pikir-usınısların bildirdi.

NMPI baspasóz xızmeti.