Student-jaslardıń sabaqtan bos waqıtların mazmunlı ótkeriw maqsetinde Ájiniyaz atındaǵı Nókis mámleketlik pedagogikalıq institutı studentleri arasında jazba saylap alıw, topar, yarım final hám final basqıshlarınan ibarat bolǵan Jeke oyın intellektual jarısı ótkerildi.

Jeke oyın jarısına bakalavriattıń kúndizgi tálim baǵdarları hám magistratura qánigeliklerinde oqıp atırǵan 50 den aslam studentler qatnastı.

Oǵada qızǵın tárizde ótken jarıs juwmaǵında Shet tilleri fakultetiniń 3-kurs studenti M.Saparov 1-orın, usı fakultettiń 4-kurs studenti S.Abdullaev 2-orın hám Tariyx fakultetiniń 4-kurs studenti A.Mátmuratov sıylı 3-orındı iyeledi.

Tańlaw ustavına muwapıq, 1-orındı iyelegen jeńimpaz qatnasıwshı bazalıq stipendiya muǵdarınıń 2 (eki) esesi, 2- hám 3-orınlardı iyelegen qatnasıwshılar bazalıq stipendiya muǵdarınıń 1 (bir) esesi muǵdarında sıylıqlanadı.

NMPI baspasóz xızmeti.