Búgin, 3-iyun kúninen baslap Ájiniyaz atındaǵı Nókis mámleketlik pedagogikalıq institutında 2023-2024-oqıw jılı pitkeriwshi kurs studentleriniń mámleketlik attestaciyalıq sınaqları baslandı.

– Bıyılǵı oqıw jılında Shet tilleri fakultetin ulıwma 348 student pitkerip shıǵıp atırǵan bolıp, olardıń mámleketlik attestaciyalıq sınaqları hám pitkeriw qánigelik jumısların shólkemlestiriw boyınsha tiyisli tártipte jumıslar alıp barıldı. Mámleketlik attestaciyalıq komissiya baslıǵı hám aǵzalarına respublikamızdaǵı aldınǵı joqarı oqıw orınlarınan tájiriybeli professor-oqıtıwshılar biriktirildi. Pitkeriwshi jaslarımızǵa aldaǵı imtixanlarına áwmet tileymiz, – deydi fakultet dekanı Ilyusha Dilmanov.

Institutta pitkeriwshi kurs studentleriniń mámleketlik attestaciyalıq sınaqları 10-iyunǵa shekem dawam etedi.

Maǵlıwmat ornında atap ótiw kerek, bıyılǵı oqıw jılında Nókis mámleketlik pedagogikalıq institutın ulıwma 3 mıń 854 pitkeriwshi, sonnan bakalavriattıń kúndizgi tálim baǵdarları boyınsha 2 mıń 576, sırtqı tálim baǵdarları boyınsha 1 mıń 259 student, al magistratura qánigelikleri boyınsha 19 magistrant pitkerip shıǵıwı kútilmekte.

NMPI baspasóz xızmeti.