Ájiniyaz atındaǵı Nókis mámleketlik pedagogikalıq institutı Filologiya fakulteti qaraqalpaq tili hám ádebiyatı tálim baǵdarınıń 3-kurs studenti Gúlmahal Pirniyazova Ózbekstan Respublikası Joqarı bilimlendiriw, ilim hám innovaciyalar ministrligi janındaǵı Student hám oqıwshılardıń jámiyetlik belsendiligin arttırıw orayı tárepinen «Kitapqumar jaslar ligası» onlayn tańlawları sheńberinde ótkerilgen «Eń jaqsı esseler» respublikalıq tańlawında sıylı 3-orındı iyeledi.

Ministrlikte tańlaw jeńimpazları hám sıylı orın iyelerin saltanatlı sıylıqlaw máresimi bolıp ótti.

Atap ótiw orınlı, korrupciyaǵa qarsı gúresiwge baǵdarlanǵan bul tańlawǵa joqarı oqıw orınları hám aymaqlıq basqıshta jeńimpaz dep tabılǵan 100 ge shamalas esseler kelip túsken bolıp, olar arasınan institutımız studenti Gúlmahal Pirniyazovanıń dóretiwshilik jumısı jeńimpazlar qatarınan orın alǵanı institutımız ushın úlken maqtanısh esaplanadı.

Maǵlıwmat ushın, respublikalıq esseler tańlawında jeńimpaz bolǵan studentler diplom, statuetka hám 1-orın jeńimpazı 6 million sum, 2-orın iyesi 5 million sum, 3-orın iyesi 4 million sum muǵdarında sıylıqlandı.

NMPI baspasóz xızmeti.