Tashkent qalasındaǵı Túrkstan kórkem óner sarayında Ózbekstannıń ilim hám innovaciyalar tarawındaǵı jetekshi ilimpazların jámlegen áhmiyetli waqıya – «SCIENCE AND INNOVATION AWARDS 2025» saltanatlı sıylıqlaw máresimi bolıp ótti.

Saltanatlı ilajǵa respublikamızdıń jetekshi joqarı oqıw orınları hám ilimiy-izertlew oraylarınan professor-oqıtıwshılar hám belgili ilimpazlar qatarında Ájiniyaz atındaǵı Nókis mámleketlik pedagogikalıq institutınan Mektepke shekemgi hám baslawısh tálim fakultetiniń dekanı Muhabbat Allambergenova, ulıwma pedagogika kafedrasınıń professorı Merwert Pazılova, sonday-aq, baslawısh tálim kafedrasınıń baslıǵı Zamira Qurbaniyazova qatnastı.

Respublikamızdaǵı joqarı oqıw orınları, ilimiy-izertlew institutları hám oraylarınan, sonıń menen birge, ilimiy basılımlar tárepinen 3000 nan aslam arza kelip túsken bul abıroylı ilajda ulıwma 10 nominaciya boyınsha jeńimpazlar anıqlandı.

Áhmiyetlisi, pedagogika ilimleriniń doktorı, docent Muhabbat Allambergenova ilaj sheńberinde basıp shıǵarılǵan «Meniń tabıslı jolım» toplamınan, pedagogika ilimleriniń doktorı, professor Merwert Pazılova hám pedagogika ilimleriniń doktorı, professor Zamira Qurbaniyazova «Ózbekstannıń belgili ilimpazları» enciklopediyasınan orın aldı.