Ájiniyaz atındaǵı Nókis mámleketlik pedagogikalıq institutı Baslawısh tálim fakultetiniń pitkeriwshi kurs studenti Durdona Tolıbaeva hám Tariyx fakultetiniń 3-kurs studenti Jasurbek Nurullaev Ózbekstan Respublikası Ekologiya, qorshaǵan ortalıqtı qorǵaw hám klimat ózgeriwi ministrligi tárepinen Tashkent wálayatında shólkemlestirilgen «EkoLager – 2025» oqıw seminarında qatnasıp qayttı.

Ekologiyalıq mashqalalar hám olardıń sheshimlerine arnalǵan oqıw seminarı dawamında qatnasıwshılar ekologiyalıq innovaciyalar, shıǵındılardı qayta islew haqqında bilim hám kónlikpelerge iye boldı.

Sonday-aq, oqıw seminarında hár qıylı tańlawlar, mádeniy-kewilashar ilajlar shólkemlestirildi.

Institutımız studentleri ilaj sheńberinde ótkerilgen «Debat» intellektual oyınında jeńimpazlıqtı qolǵa kirgizip, shólkemlestiriwshiler tárepinen diplom, kubok hám estelik sawǵaları menen sıylıqlandı.