Ózbekstan Respublikası Ministrler Kabinetiniń 2026-jıl 28-yanvardaǵı 32-sanlı qararı menen ayırım Húkimetlik qararlarǵa ózgeris hám qosımshalar kirgizildi.

Oǵan bola, pánler kompleksinde shet tili birinshi pán sıpatında belgilengen tálim baǵdarlarına qabıllaw shet tilin biliw boyınsha keminde B1 dárejesindegi milliy yamasa xalıqaralıq tán alınǵan sertifikat tiykarında ámelge asırıladı.

Pánler kompleksinde shet tili páni bolǵan tálim baǵdarlarına qabıllawda:

– B1 dárejesindegi milliy yamasa xalıqaralıq tán alınǵan sertifikatqa iye abiturientlerge usı pánnen belgilengen maksimal balldıń 75 procenti muǵdarında ball beriledi;

– B2 hám onnan joqarı dárejedegi milliy yamasa xalıqaralıq tán alınǵan sertifikatqa iye abiturientlerge usı pánnen belgilengen maksimal ball beriledi.

Esletip ótemiz, aldın usı baǵdarlarǵa qabıllaw keminde B2 dárejesindegi milliy yamasa xalıqaralıq sertifikat tiykarında ámelge asırılǵan edi.

NMPI baspasóz xızmeti.