Sociallıq tarmaqlarda joqarı oqıw orınlarında jańa oqıw jılı dástúriy (oflayn) tárizde baslanıwı haqqındaǵı xabarlar tarqalǵan edi.

Joqarı hám orta arnawlı bilimlendiriw ministrligi usı xabarlarǵa rásmiy múnásibet bildirip, házirgi waqıtta ministrlik tárepinen joqarı oqıw orınlarınıń pandemiya sharayatında sanitariyalıq-gigienalıq qaǵıydalarǵa ámel etken halda oqıw procesin dástúriy (oflayn) tárizde shólkemlestiriw boyınsha tayarlıq jaǵdayı úyrenilip atırǵanın málim etti.

«Úyreniwler nátiyjesine muwapıq, tiyisli maǵlıwmatlar Ministrler Kabinetine usınıladı. Joqarı oqıw orınlarında oqıw procesin shólkemlestiriw boyınsha juwmaqlawshı sheshim tastıyıqlanǵannan soń, ministrliktiń saytı hám sociallıq tarmaqlardaǵı kanalları arqalı rásmiy tárizde járiyalanadı», – dep jazbaqta ministrlik.

Islam Matekov.