TALABALAR TURAR JAYİNDA JASAWShİ STUDENTLER ARASİNDA TÁRBIYaLİQ JUMİSLAR ALİP BARİW HÁM OLARDİŃ JASAW ShARAYATLARİN JAQSİLAW BOYİNShA ISLENIP ATİRǴAN JUMİSLAR HAQQİNDA MAǴLİWMAT

  Házirgi waqıtta institutta bir talabalar turar jayı bar bolıp, ol 275 orınǵa mólsherlengen hám de talabalar turar jayında 215 student-qızlar jasamaqta. Sonnan, Filologiya faku’tetinen 42, Qaraqalpaq tili hám ádebiyatı faku’tetinen 46, Tábiyattanıw faku’tetinen 78, Tariyx faku’tetinen 26, Dene tárbiyası faku’tetinen 14, Baslawısh tálim faku’tetinen 3, Shet tilleri faku’tetinen 1 hám magistratura bóliminen 3 student-qızlar jasap atır. Talabalar turar jayındaǵı shárt-sharayatlar, ruwxıy-aǵartıwshılıq hám tárbiyalıq jumıslardı Ózbekstan Respublikası Joqarı hám orta arnawlı bilimlendiriw ministrligi tárepinen islep shıǵılǵan is-ilajlar rejesi tiykarında Ruwxıylıq hám ádep-ikramlılıq tárbiya bólimi, faku’tetler, İnformaciyalıq resurs orayı hám institut jámiyetlik shólkemleri bolǵan Hayal-qızlar keńesi, Kásiplik awqamı, «Kamolot» j.j.h. baslanǵısh shólkemi, sonday-aq, «Sport futbol klub», «İbn-Sino» salamatlıq orayı, «Ustaz shákirt» keńesi tárepinen ámelge asırılmaqta. Bunnan tısqarı, Talabalar turar jayında Ózbekstan Respublikası Joqarı hám orta arnawlı bilimlendiriw ministrliginiń 2006-jıl 17-yanvardaǵı «Talaba (oqıwshı) lar turar jayı iskerligine baylanıslı jańa baspadaǵı normativlik xújjetlerdi tastıyıqlaw haqqında»ǵı 11-sanlı buyrıǵı tiykarında institut professor-oqıtıwshılarınıń náwbechiligi, pasport dizimi hám de kiriw-shıǵıwlar tártibiniń úzliksiz ráwishte ámelge asırılıwı támiyinlenbekte. Studentlerdiń talabalar turar jayına kirip-shıǵıwları ushın propuskalar menen tolıq támiyinlengen. Talabalar turar jayında professor-oqıtıwshıları tárepinen keshki saat 18⁰⁰-22⁰⁰ge shekem náwbechilikler shólkemlestirilgen. Ózleriniń náwbechilikleri waqtında professor-oqıtıwshılar hár qıylı tárbiya temalarında Talabalar turar jayında jasawshı studentler menen sáwbetlesiwler, gúrrińlesiwler ótkerilip barılıp, olar óz waqtında hújjetlestirilip barılmaqta. Sonday-aq, milliy ham taǵı basqada bayramlar waqtında Talabalar turar jayında úzliksiz náwbechilik shólkemlestirilip barılmaqta. Bunnan tısqarı, Talabalar turar jayı hám institut aymaǵında tártip-intizamdı támiyinlew maqsetinde áskeriy usınısnamalar tiykarında oqıwǵa kirgen studentlerden dúzilgen pasbanlar toparı aǵzalarınan hám náwbechilikler shólkemlestirilip barıldı. Talabalar turar jayında Filologiya, Qaraqalpaq tili hám ádebiyatı hám de Tábiyattanıw faku’tetiniń kafedraları kúnleri ótkerilip kelinbekte. Kafedra kúnlerinde professor-oqıtıwshılar studentler menen ádebiy kesheler, shayır-jazıwshılardıń ádebiy dóretiwshiligine baylanıslı sáwbetlesiwler hám házirgi kúnniń global mashqalaları haqqında óz-ara pikir alısıwlar ótkerilip, studentlerdiń bir qansha maǵlıwmatlarǵa iye bolıwına eristi, sonday-aq studentlerdiń bos waqıtlarınıń mazmunlı ótiwin támiyinledi. Ózbekstan Respublikası Joqarı hám orta arnawlı bilimlendiriw ministrliginiń 2011-jıl 4-marttaǵı «Talabalar turar jayı jaǵdayın úyreniw haqqındaǵı» 87-sanlı buyrıǵı tiykarında institutımızda 2010-2011-oqıw jılı dawamında ámelge asırılatuǵın ruxıy-aǵartıwshılıq jumıslarrejesine muwapıq hám institut rektorınıń2011-jılı 25-mart kúni 109 D/1-sanlıbuyrıǵı shıqtı. Usı buyrıqqa tiykarlanıp Talabalar turar jayında «Eń jaqsı qabat»hám «Eń jaqsı xana»kórik-tańlawı ótkerildi. 1.Kórik-tańlawdıń juwmaǵı boyınsha talabalar turar jayınıń 4-qabatı «Eń jaqsı qabat»dep tabıldı hám Kásiplik awqamı tárepinen bir dana televizor menen sıylıqlandı. Tańlawda «Eń jaqsı xana»nominaciyası boyınsha: -birinshi orın 4-qabattan 406-xana. Turǵınları (Tábiyattanıw faku’tetiniń 3-kurs studentleri Kómekbaeva Gulnaz, Qurbanbaeva Marjan, Qarlıbaeva Mayra) iyeledi. -ekinshi orın 3-qabattan314-xana. Turǵınları (Qaraqalpaq tili hám ádebiyatı faku’teti 2-kurs studentleri Tájetdinova Párwaz, Tájetdinova Rabiybi, Turǵanbaeva Gulparshın) iyeledi. -úshinshi orın 2-qabattan 220-xana. Turǵınları (Filologiya faku’tetiniń 3-kurs studentleri Kazakova Anora, Avezova Dilafruz, Qurbanbaeva Fazilat) hám 3-qabattan 319-xana. Turǵınları (Tariyx faku’tetiniń 2-kurs studentleri Qadirova Gulnaz, Qadirova Shaxodat) jeńimpaz dep tabıldı. Jeńimpazlarǵa Kásiplik awqamı tárepinen qımbat baxalı sawǵalar tapsırıldı. 2011-jıl 4-mart kúni Talabalar turar jayı qızları arasında «Qánekey, qızlar» kórik-tańlawı ótkerilip, tańlaw sońında Tábiattanıw faku’teti birinshi, Filologiya faku’teti ekinshi hám Qaraqalpaq tili hám ádebiyatı faku’teti úshinshi orındı iyeledi. Sonday-aq, 2011-jıl 13-apre’ kúni Talabalar turar jayı qızları menen «Pedagogika va psixologiya» kafedrası professor-oqıtıwshıları hám magistrantlar tárepinen «Ekologiya hám insan» temasında student-jaslar menen seminar-treningótkerildi. Seminar sońında studentlerge S D disk qoyıp berildi. Talabalar turar jayında jasawshı talabalar ushın institut tárepinen jeterli dárejede imkaniyat hám qolaylıqlar jaratılǵan. Máselen Institut málimleme orayınıń talabalar turar jayındaǵı filialına jámi 3 xana ajratılıp, ol jerge 7 komp`yuter qoyıldı. Komp`yuterlerge lekciya tekstleri hám taǵı basqa da maǵlıwmatlar kiritilgen bolıp, studentler sabaqqa tayarlanıw barısında olardan keń túrde qollanbaqta. Talabalar turar jayındaǵı málimleme-resurs orayı filialına gazeta-jurnallar óz waqtında jetkerilip barılmaqta. Sonıń mene birge jańa kitaplardıń prezintaciyası, kitap oqıwshılardıń konferenciyası shólkemlestirilip barıladı. Málimleme-resurs orayı filialınıń jumıs islew waqtı keshki saat 18⁰⁰— 22⁰⁰ǵa shekem. Studentler arasında salamat turmıs tárizin úgit-násiyatlaw maqsetinde dúzilgen «Ibn Sino salamatlıq» orayı talabalar turar jayında jaylasqan bolıp, ol jerde den sawlıq, SPID hám narkomaniyaǵa qarsı gúresiw, reproduktivlik salamatlıq, ótkir respirator viruslı infekciyalar hám gripptiń aldın alıw, nekeden aldın medicinalıq kórikten ótiwdiń áhmiyeti, jaslar arasında erte hám aǵayinler arasında nekeden ótiwdiń aldın alıw, hayal-qızlar salamatlıǵı haqqında maǵlıwmatlar berip barıladı. «Ibn Sino salamatlıq» orayı tárepinen oqıw jılı dawamında talabalar turar jayı studentleri menen 12 ret sáwbetlesiw hám ushırasıwlar shólkemlestirldi. Talabalar turar jayında «Ata-analar xanası» shólkemlestirildi. Ol jerde óz perzentin kóriwge kelgen hár bir ata-ananıń dem alıwları ushın jeterli dárejede imkaniyatlar jaratılǵan. Sonday-aq ata-analar xanasına 1 televizor qoyılǵan. Sonıń menen birge, talabalar turar jayında «Sheber qollar», «Úy biykesi», «Intellektual ring» dógerekleri islep tur. Ol jerde studentler tigiwdi, awqat hám hár qıylı salat, tortlardı pisiriwdi úyrenip barmaqta. «Intellektual ring» dógereginde studentler ózleriniń aqlıy múmkinshiliklerin rawajlandırıp baradı. Bundan tısqarı, talabalar turar jayında kishi sport zalı bar bolıp, ol jerde student-qızlar tennis penen shuǵıllanıp, ózleriniń den-sawlıqların bekkemlewde juwırıw úskenelerinen paydalanbaqta. Studentlerdi hár tárepleme rawajlanǵan, ruwxıy jaqtan jetik insanlar etip tárbiyalawda ruwxıylıq xanalarınıń ornı júdá áhmiyetli. Sonlıqtan da talabalar turar jayındaǵı ruwxıylıq xanası zaman talabı dárejesinde bezetilgen. Ol jerde milliy mánawiyatımızǵa baylanıslı hár qıylı sáwbetlesiwler ótkerilip barılmaqta. Ruwxıylıq xanasına televizor hám gazeta-jurnallar menen tolıq támiyinlengen hám mánawiyatımız máselelerine arnalǵan bannerler islengen. Talabalar turar jayınıń hár bir qabatında televizor hám xolodi’nikler bar bolıp, olardan studentler tolıq paydalanbaqta. Talabalar turar jayındaǵı studentler taza pasteller menen támiyinlenip, olar óz waqtında almastırılıp barılmaqta. Studentler ushın juwınıw xanalarında ıssı hám suwıq suwlar óz waqtında aǵıp tur. Sonday-aq basqada paydalanıw xanaları sanitariya-gigiena talaplarına tolıq juwap beredi. Talabalar turar jayına jámi 6280860 sumlıq dorojka, kavralan, utyug, utyug basıw taxtası, túngi jarıtqıshlar (sveti’nik) hám taǵı basqa zatlar satıp alındı. Talabalar turar jayındaǵı jasawshı studentler menen professor-oqıtıwshılardıń Ózbekstan Respublikası Ǵárezsizlik bayramına,Ózbekstan hám Qaraqalpaqstan Respublikaları Mámlektelik tili haqqında «Ana tilimiz-milliy qádiriyatlarımız aynası» temasında sáwbetlesiwleri, 17-noyabr` Xalıqaralıq studentler kúnine baǵıshlanǵan «Biz hám XX I ásr jasları» temasında kesheleri, Ózbekstan hám Qaraqalpaqstan Respublikaları Konstituciyaları kúnlerine baylanıslı«Konstituciya-tiykarǵı Nızamımız» temalarında, 2010-jıl «Barkamal áwlad jılı», 2011-jıl «Kishi biznes hám isbilermenlik jılı» mámleketlik baǵdarlaması boyınsha qánigeler hám jaslar menen ushırasıwlar ótkerildi. Sonday-aq huqıqbuzarlıq hám tártipbuzarlıqtıń aldın alıwǵa, adam sawdasına, diniy ekstremizm hám terrorizmge qarsı gúresiw hám onıń aldın alıwǵa qaratılǵan sáwbetlesiwler ótkerilip barılıp, tiyisli maǵlıwmatnama formasında toltırılıp, bir danası talabalar turar jayında bir danası oqıtıwshılarǵa berildi. Jıl dawamında professor-oqıtıwshılardıń reytingin anıqlanǵanda usı maǵlıwmatlar qosa esaplanadı. Ózbekstan Respublikası Joqarı hám orta arnawlı bilimlendiriw ministrliginiń 2009-jıl 9-iyuńdaǵı «Joqarı oqıw orınları talabalar turar jaylarındaǵı jaǵdaylardı úyreniw nátiyjeleri haqqında»ǵı 195-sanlı buyrıǵı tiykarında institutta 2009-jıl 10-iyu n kúni 201-sanlı buyrıq shıǵarıldı. Usı buyrıq tiykarında talabalar turar jayına kirip-shıǵıw boyınsha kadaǵalaw jumısları ele de kúsheytildi. Talabalar turar jayı aymaǵında abadanlastırıw jumısları alıp barıldı. Sonday-aq institut rektorınıń ayına bir ret, prorektorlardıń ayına eki ret, faku’tet dekanlarınıń háptesine bir ret hám faku’tet dekanlarınıń ruwxıylıq hám ádep-ikramlılıq tárbiya jumısları boyınsha orınbasarlarınıń kúnine bir ret talabalar turar jayınan xabar alıwınıń kestesi islep shıǵıldı hám de rektor, prorektorlar ushın óz aldına, dekanlar hám dekan orınbasarları ushın óz aldına rásmiylestiriw jurnalları qoyıldı. Talabalar turar jayında jasawshı talabalar menen átiraptı báhárgi kóklemzarlastırıw isleri qolǵa alındı. Olar arasında kúndelikli turmıs ádebin saqlaw, mámleketlik buyımlarǵa ıqtıyatlıq penen qatnas jasaw, tazalıqtı-azadalıqtı ómirdiń mazmunı dep biliw, sóylesiw ádebi tuwralı túsinikler keń túrde júrgizilmekte. Sonday-aq texnika qáwipsizligin saqlaw, órt qáwpiniń aldın alıw, elektor toǵınan, gazden paydalanıw boyınsha túsinik jumısları alıp barıldı. Mine usınday jaratılǵan jaqsı sharayatlarǵa baylanıslı jıldan-jılǵa Talabalar turar jayında jasawǵa talaban studentlerdiń arzalarınıń sanı artıp barmaqda. Álbette, bul máseleni biz unamlı sheshemiz dep isenemiz .