Usı jıldıń 17-20-oktyabr kúnleri aralıǵında Qazaqstan Respublikası Xoja Axmed Yassawiy atındaǵı Xalıqaralıq qazaq-túrk universitetinde «Zamanagóy túrkologiya: ilimiy paradigmaları hám pánler aralıq ózgeshelikleri» atamasındaǵı X Xalıqaralıq túrkologiya kongresi bolıp ótti.

Dúnyanıń onǵa shamalas mámleketlerinen ilimpazlar qatnasqan kongresste Ájiniyaz atındaǵı Nókis mámleketlik pedagogikalıq institutı qazaq tili hám ádebiyatı kafedrasınıń professorı, filologiya ilimleriniń doktorı Turǵanbay Kerwenov «Túrkiy tillerdiń rawajlanıwınıń tendenciyaları (Qaraqalpaqstan regionı mısalında)» atamasındaǵı bayanatı menen qatnastı.

Kongresste túrkologiyanıń búgingi kúndegi áhmiyetli máseleleri dodalanıp, ilimpazlar óz ara tájiriybe almastı hám aldaǵı birgelikte ámelge asırılatuǵın jumıslar belgilep alındı.