Búgin, 17-noyabr kúni Ájiniyaz atındaǵı Nókis mámleketlik pedagogikalıq institutı rektorı wazıypasın waqıtsha atqarıwshısı Quvondiq Qodirov hám Buxara mámleketlik pedagogikalıq institutı rektorı Bahodir Mamurov eki joqarı oqıw ornı arasında ilimiy-pedagogikalıq jumıslardı birgelikte alıp barıw boyınsha memorandumǵa qol qoydı.

Ilajda joqarı oqıw orınlarınıń rektorları professor-oqıtıwshılar, magistrantlar hám studentlerdiń akademiyalıq mobillik tiykarında óz ara almasıwı, birgelikte ilimiy-izertlew jumısların alıp barıw, konferenciyalar shólkemlestiriw, mádeniy-aǵartıwshılıq hám basqa da baǵdarlarda eki tárepleme birge islesiwdiń áhmiyeti haqqında atap ótti.

Institut rektorı w.w.a. Q.Qodirov Buxara mámleketlik pedagogikalıq institutı rektorı Bahodir Mamurovqa Qaraqalpaqstan Respublikası Ministrler Keńesi Baslıǵınıń orınbasarı B.Otemuratovtıń minnetdarshılıq xatın hám estelik sawǵalardı tapsırdı.

NMPI baspasóz xızmeti.