Ájiniyaz atındaǵı Nókis mámleketlik pedagogikalıq institutı Shet tilleri fakultetiniń 1-kurs studenti Alfiya Amangeldieva Ózbekstan «Milliy tiklanish» demokratiyalıq partiyası Oraylıq Keńesi tárepinen ótkerilgen «Nodirai davronlar» tańlawınıń respublikalıq basqıshında sıylı 2-orındı iyelep, jeńimpazlar qatarınan orın alǵanı haqqında xabar bergen edik.

Búgin, 16-dekabr kúni partiyanıń Qaraqalpaqstan Respublikalıq Keńesi baslıǵı Tájibay Romanov hám partiyanıń «Hayal-qızlar qanatı» wákili Zuxra Tájixojaeva institutqa kelip, jeńimpazdı qutlıqladı.

Shet tilleri fakulteti dekanatı, miynet jámááti hám studentler menen bolıp ótken ushırasıwda sózge shıqqanlar tańlawdıń áhmiyeti, sonday-aq, partiya tárepinen ámelge asırılıp atırǵan jumıslarǵa toqtalıp ótti.

Ilajda tańlaw jeńimpazı Alfiya Amangeldieva sózge shıǵıp, partiya jámááti, institut rektoratı, fakultet dekanatı, sonday-aq, ustazları hám birge oqıp atırǵan doslarına minnetdarshılıǵın bildirdi.

Qaraqalpaqstan Respublikası Joqarǵı Keńesiniń deputatı, «Yuksalish» ulıwma milliy háreketi Qaraqalpaqstan Respublikası aymaqlıq bólimi baslıǵı Tájibay Romanov usınday joqarı nátiyjelerge erisiwge tiykar jaratıp berip atırǵan institut rektoratı hám fakultet dekanatına minnetdarshılıq xatların tapsırdı.

Tańlaw jeńimpazları Jaslar parlamenti hám wákillik uyımlarına rezerv kadrlar sıpatında qabıl etiletuǵınlıǵın ayrıqsha atap ótti.

Ilajda Ózbekstan «Milliy tiklanish» demokratiyalıq partiyasına aǵza bolıw tilegin bildirgen studentlerge aǵzalıq gúwalıqları tapsırıldı.

NMPI baspasóz xızmeti.