Ájiniyaz atındaǵı Nókis mámleketlik pedagogikalıq institutında studentler hám xızmetkerler arasında salamat turmıs tárizin úgit-násiyatlaw, jeke gigiena mádeniyatın arttırıw maqsetinde «Taza qollar» baǵdarlaması sheńberinde úyreniw jumısları alıp barıldı.

Ilaj dawamında Joqarı bilimlendiriw, ilim hám innovaciyalar ministrliginiń wákilleri Gúlchehra Reymbaeva hám Shoira Nurillaeva tárepinen oqıw imaratları, studentler turaq jayları, asxana hám sanitariyalıq-gigienalıq bólmelerdiń jaǵdayı úyrenilip, tazalıq, suw támiynatı, gigienalıq zatlar menen támiyinleniw dárejesi hám sanitariyalıq qaǵıydalarǵa ámel etiliw jaǵdayı analizlendi.

Sonday-aq, student-jaslar arasında salamat turmıs tárizi, qol juwıw mádeniyatı, juqpalı keselliklerdiń aldın alıw máselelerine arnalǵan túsindiriw jumısları da alıp barıldı.

Úyreniw juwmaǵında gigiena talaplarına qatań ámel etiw, tazalıqtı turaqlı saqlaw hám sanitariyalıq mádeniyattı jetilistiriw boyınsha usınıslar berildi. «Taza qollar» baǵdarlaması sheńberindegi usı sıyaqlı ilajlar institutta salamat hám qáwipsiz ortalıqtı támiyinlewde úlken áhmiyetke iye bolmaqta.

NMPI baspasóz xızmeti.