Usı jıldıń 29-mart kúni Nókis qalasında «Silk Road Nukus», «Student juwır», «Insan ushın» hám balalar qatnasıwında «Kids Run» ǵalabalıq juwırıw marafonı bolıp ótti.

10 km, 5 km hám túrli aralıqlarǵa ótkerilgen marafonǵa sportshılar, áskeriy xızmetkerler, joqarı oqıw orınları studentleri, sonday-aq, máhállelerden 7 jastan 70 jasqa shekemgi puqaralardan ibarat 5 mıńnan aslam adam qatnastı.

Ǵalabalıq sport ilajına Ájiniyaz atındaǵı Nókis mámleketlik pedagogikalıq institutınan da 800 den aslam student-jaslar hám kewilliler belsene qatnasıp, óz imkaniyatların sınaqtan ótkerdi.

Quwanıshlısı, hayal-qızlar arasında 5 km aralıqqa ótkerilgen «Student juwır» jarısında instituttıń dene mádeniyatı tálim baǵdarınıń studentleri Ejemaya Bazarbaeva 1-orındı iyelegen bolsa, Aysha Jumambetova finish sızıǵın ekinshi bolıp kesip ótti hám 2-orındı iyeledi.

Sonıń menen birge, erler arasında instituttıń Ellikqala fakulteti dene mádeniyatı tálim baǵdarınıń studenti Yuldoshboy Satimbayev 2-orındı, Pedagogika-psixologiya hám dóretiwshilik tálim fakulteti dene mádeniyatı tálim baǵdarınıń studenti Azamat Orazbaev sıylı 3-orındı iyeledi.

Jeńimpazlar hám sıylı orın iyeleri shólkemlestiriwshiler tárepinen sıylıqlandı.