Ájiniyaz atındaǵı Nókis mámleketlik pedagogikalıq institutında student-jaslardıń sociallıq belsendiligin arttırıw, olardı jámiyetlik turmısta belsene qatnasıwǵa shaqırıw maqsetinde «Ózbekstan volontyorlarınıń imkaniyatları» atamasındaǵı ushırasıw shólkemlestirildi.

Ushırasıwǵa Ózbekstan jaslar isleri agentligi volontyorlıq jumıslarına kómeklesiw bóliminiń baslıǵı Guldasta Eshqobilova, Ózbekstan jaslar jetekshilerin qollap-quwatlaw orayı Qaraqalpaqstan Respublikası koordinatorı Nursultan Nurniyazov, Jaslar isleri agentligi Qaraqalpaqstan Respublikası basqarmasınıń bas qánigesi Aynura Esnazarova, sonday-aq, instituttıń belsendi student-jasları qatnastı.

Ilajda volontyorlıq jumısınıń mazmunı hám áhmiyeti, onıń jámiyetlik rawajlanıwdaǵı ornı jáne jaslar ushın jaratılıp atırǵan imkaniyatlar haqqında tolıq maǵlıwmat berildi. Házirgi waqıtta elimizde volontyorlıq háreketin qollap-quwatlaw, jaslardıń baslamaların xoshametlew hám olardı hár qıylı sociallıq joybarlarǵa tartıw boyınsha ámelge asırılıp atırǵan jumıslar ayrıqsha atap ótildi.

Ushırasıwda jaslar ózlerin qızıqtırǵan sorawlarǵa juwap aldı. Volontyorlıq jumıslarına qosılıw tártibi, ámeldegi platformalar hám joybarlar haqqında ámeliy usınıslar berildi.

NMPI baspasóz xızmeti.