19-октябрь күни Нөкис қалалық халық билимлендириў бөлимине қараслы 32-санлы улыўма билим бериў мектебинде әмелият өтеп атырған институтымыздың филология факультети студентлери басламасы менен филология илимлериниң докторы, институтымыз профессоры, Қарақалпақстан халық жазыўшысы Кеңесбай Алламбергенов пенен ушырасыў кешеси шөлкемлестирилди.

Кешени мектеп директоры, шайыр Г.Дәўлетова алып барды.

Онда мектептиң қәбилетли оқыўшылары илимпаз ҳәм жазыўшы менен оның өмири, балалық мәўритлери ҳәм әдебий дөретпелери ҳаққында өз ара сораў-жуўап формасында сәўбетлесиў өткерди.