23-октябрь күни институттың тарийх-география факультети студентлери  Нөкис қалалық Халық билимлендириў бөлимине қараслы 9-санлы улыўма билим бериў мектебинде география илимлериниң докторы Есенғалий Умаровтың 80 жыллығы мүнәсибети менен ушырасыў кешесин шөлкемлестирди.

«Уллы устаз – шәкиртлер мақтанышы» деп аталған кешеге институттың географияны оқытыў методикасы кафедрасы баслығы, геология-минерология илимлериниң кандидаты К.Жақсымуратов, география илимлериниң кандидаты, доцент Г.Утепова, Н.Өтенов, доцент Р.Гаипова ҳәм усы мектеп ўәкиллери, муғаллимлер, оқыўшылар ҳәм студент-жаслар қатнасты.

Кеше факультет профессор-оқытыўшылары ҳәм студентлери тәрепинен илимпаздың илимий мийнетлери және педагогикалық хызмети ҳаққындағы баянатлар, шығып сөйлеўлер менен даўам етти.

Кеше соңында мектеп оқыўшылары ҳәм студентлер менен бирге шөлкемлестирилген концерт бағдарламасы қойып берилди.

Рамазан Утепбергенов,

Тарийх-география факультети 3-курс студенти.