Институттың математика-информатика факультетинде студентлердиң бос ўақытларын нәтийжели шөлкемлестириў ҳәм олардың логикалық ойлаў дәрежесин арттырып, китап оқыўға болған умтылысларын мүнәсип баҳалаў мақсетинде «Заковат» интеллектуал турнири шөлкемлестирилген еди.

Турнирдиң жуўмақлаўшы финал басқышы болып өтти. Математиканы оқытыў методикасы 3-курс студенти Э.Пердебаева тәрепинен шөлкемлестирилген финал ойынында турнир басынан берли 15 команданың арасынан ең күшли деп табылған 4 команда қатнасты:

1. Информатиканы оқытыў методикасы бағдары 1-а курс студентлеринен дүзилген «Диамонд» командасы;

2. Математиканы оқытыў методикасы бағдары 2-в курс студентлеринен дүзилген «Торнадо» командасы;

3. Математиканы оқытыў методикасы бағдары 3-в курс ҳәм информатиканы оқытыў методикасы бағдары студентлеринен дүзилген «Х-файл» командасы;

4. Математиканы оқытыў методикасы бағдары 1-б курс студентлеринен дүзилген «Легион» командасы.

Финалға барлық командалар айрықша таярлықлар менен келгени билинип турды. Қызықлы өткен ойын жуўмағына бола, «Легион» командасы 1-орын, «Торнадо» командасы 2-орын ҳәм «Х-файл» командасы 3-орынды жеңип алды.

Жеңимпазлар ҳәм барлық қатнасыўшы студентлер диплом ҳәм естелик саўғалары болған әдебий китаплар менен сыйлықланды.

Айсулыў Утепбергенова,

Математика-информатика факультети студенти.