Институтымыздың филология факультети 3-курс студенти Аллаяр Дәрменов 20 жасында Жазыўшылар аўқамының ағзасы болды.

2-ноябрь күни шет тиллери факультетинде институттың «Нөкис пединституты» газетасы редакторы, шайыр Әбдиқәдир Қайыпов ҳәм филология факультети студенти Аллаяр Дәрменов пенен ушырасыў кешеси шөлкемлестирилди.

Ушырасыўға қатнасқан студент-жаслар менен институтта қәбилетли жасларды қоллап-қуўатлаў бойынша алып барылып атырған жумыслар ҳаққында сәўбетлесиў болып өтти.

Кешеде шайыр Ә.Қайыпов студентлерге ҳәр қыйлы бағдардағы сораўлар берип, дурыс жуўап бергенлерге әдебий китаплар саўға етти.

Кешеде студент А.Дәрменов өз қосықларынан оқып берди.

Машҳура Давлетова,

Шет тиллери факультети студенти.