Усы жылдың 16-ноябрь күни институтымыздың педагогика факультети педагогика кафедрасында педагогика ҳәм психология тәлим бағдарының 2-курс студентлери арасында кафедра оқытыўшысы Амина Темирбекованың басшылығында «Сырт еллерде социаллық педагогиканың раўажланыў тарийхы» атамасындағы семинар-тренинг болып өтти.

Илажды педагогика кафедрасы профессор-оқытыўшыларынан М.Пазылова, М.Аллаяров, З.Найманова, А.Темирбекова, С.Сайытбекова, Г.Худайбергеновалар бақлап барды.

Семинар-тренингде тема бойынша студентлер тәрепинен таярланған баянатлар оқылып, соңынан тест сораўлары шешилди.

Студентлер сырт еллерде социаллық педагогиканың раўажланыў басқышлары бойынша баянатлар ҳәм интерактив ойынлар даўамында кең түсиник және көнликпелерге ийе болды.