«Muzıkalıq tálim» kafedrasınıń tariyxı  

«Muzıkalıq tálim» kafedrası dáslep N.M.P.I. Rektorı buyrıǵı menen 1991-jılı «Mektepke shekemgi tárbiya fakul’tetiniń quramında «Muzıkalıq tárbiya» kafedrası bolıp ashıldı. Kafedra baslıǵı lawazımına Respublikalıq Berdaq sıylıǵınıń laureatı, aǵa oqıtıwshı Saparbay Palwanov tastıyıqlandı. Kafedraǵa Saparbay Palwanovtıń basshılıǵında kafedra quramına izbe-iz bilimli, joqarı maǵlıwmatlı, qánigeli professor–oqıtıwshılar jámlendi. Usı jılları bul kafedrada  S. Medetov,  D. Aysina,  M. Berdibekov, S. Kenjebaevalar muzıka qánigeligi boyınsha 17 talabaǵa bilim berdi. 1992 jılı talabalar sanınıń artıwına baylanıslı baspa sózde járiyalanǵan tańlaw tiykarında  usı jıldıń 7-oktyabrinen baslap kafedraǵa I.Jumaniyazov, Ǵ. Amaniyazov, K.Asqarov, E.Tlewov, T.Eshbaev, Q.Ayekeev, S.Tajetdinovalar hám kabinet meńgeriwshi etip  G. Urazbaevalar jumısqa alındı. Sol waqıtları institut jasları arasında J.Bazarbaev sózine S.Palwanov muzıkasına jazılǵan «Studentler marshı» atlı xorı institut gimnine aylandı. 26-sentyabr’ 1993 jılı «Muzıkalıq tárbiya» kafedrasınan «Muzıka ásbapları» kafedrası bólinip shıqtı hám kafedra baslıǵı lawazımına aǵa oqıtıwshı Qaraqalpaqstanǵa miyneti sińgen kórkem óner ǵayratkeri Kóshkinbay Asqarov tastıyıqlandı. 1994 jılı, 3-dekabrde «Muzıka teoriyası hám vokal» kafedrası ashıldı hám kafedra baslıǵı lawazımına aǵa oqıtıwshı Ǵanibay Amaniyazov tastıyıqlandı. 1995 jılı sentyabr’ ayında Saparbay Palwanovtıń basqa jumısqa ótiwine baylanıslı «Xor dirijerlıǵı» kafedrası baslıǵı lawazımın usı kafedranıń úlken oqıtıwshısı Sof’ya Tajetdinova waqtınsha atqardı. 1996 – 1997 oqıw jılında «Muzıka teoriyası hám vokal» kafedrası «Xor dirijerlıǵı»  kafedrası menen biriktirilip,  «Muzıka teoriyası hám xor dirijerlıǵı» kafedrası bolıp ataldı hám kafedra baslıǵı etip Ǵanibay Amaniyazov tastıyıqlandı. 20- avgust 2001-jıldan baslap «Saz ásbapları» kafedrasın “Qaraqalpaqstanǵa  xızmet  kórsetken mádeniyat xızmetkeri”, aǵa oqıtıwshı Tanzip Esirkepov basqardı. Al 8-avgust 2003- jıldan baslap «Saz ásbapları» kafedrasına Qaraqalpaqstanǵa xızmet kórsetken kórkem -óner ǵayratkeri aǵa oqıtıwshı Nurman Musaev basshılıq etti. 1-dekabr’ 2004- jıldan baslap «Saz ásbapları» kafedrası “Qaraqalpaqstanǵa xızmet kórsetken kórkem-óner ǵayratkeri” docent Kóshkinbay Askarovqa kafedra baslıǵı lawazımın atqarıw qayta júklendi. Institut Rektorınıń 9-Avgust, 2005–jıldaǵı № 282 N/2 sanlı buyrıǵı tiykarında «Saz ásbapları» hám «Muzıka teoriyası hám vokal» kafedraların biriktirip, 2005-jıldıń 10-avgustınan baslap «Muzıkalıq tálim» kafedrası bolıp ataldı hám kafedra baslıǵı lawazımına kafedra docenti Iskander Jumaniyazov tastıyıqlandı.  2013 – jıl 30 – avgusttan baslap  «Muzıkalıq tálim» kafedrası baslıǵı lawazımına docent Sof’ya Tajetdinova tastıyıqlandı. Búgingi kúnde «Muzıkalıq tálim» kafedrasında 3 docent, 1 ilim  kandidatı, 2 úlken oqıtıwshı sabaq berip kelmekte. Olardan C.Tajetdinova, D.Allanazarov, I.Jumaniyazov, S.Romanova S.Kenjebaeva, A.Nadırovalar tálim hám tárbiya berip kelmekte.

RUWXİY-AǴARTİWShİLİQ TURMİSİNAN

Jaslarǵa milliy ideyanı sińdiriwde folklordı, xalıq úrp-ádet dástúrlerin, milliy xalıq namaların úyreniw arqalı milliy mádeniy mánawiy miyrasxorın qáliplestiriw ushın jaslardı erkin dóretiwshilikke tartıp, olarda atqarıwshılıq uqıbın arttırıw-da hám olardı járiyalawda bir qansha jumıslar alıp barıladı. Solardan: Respublika hám institut kóleminde ókeriletuǵın «Ǵárezsizlik», «Bilimler bayramı», «1-oktyabr ustazlar hám muǵallimler kúni», «8-dekabr Ózbekistan Respublikası Konstituciyası kúni», «Jańa jıl», «14-yanvar Watan qorǵawshıları kúni», «8-mart Xalıq aralıq Hayal-qızlar kúni» hám de «Ulıwma xalıqlıq Nawrız» bayramlarında basshılıq etip hám qánigeligimiz talabaları óz koncert baǵdarlamaları menen belsene qatnasıp kelmekte. Sonıń menen birge Ózbekistan Respublikası joqarı oqıw orınları arasında ótkerilgen barlıq kórik-tańlawlarda sıylıqlı orınlardı aldı. Mısal etip aytatuǵın bolsaq, 1998-1999-jılı Tashkent qalasında ótker-ilgen Ózbekistan Respublikası joqarı oqıw orınlarınıń «Quwnaqlar hám ziyrekler» jarısında institutımızdıń «Turan» jámáátin tayarlanǵan kafedra úlken oqıtıwshısı A.Allanovtıń saxnalastırǵan kompoziciyası 2-orındı aldı, «Ómir dáryası» atlı spektakli 2002-jılı «Nixol-2002» talabalar teatrı festivalında laureat diplomın alıwǵa eristi, 2004-jılı «Ózge planetadaǵı jeti kún» atlı spektakli menen 2-orındı iyeledi, 2005-jılı «Xazina 2005» Ózbek folklorı hám úrp-ádetler festivalında institutımızdıń «Qız uzatıw» atlı saxnalıq kórinisi 2-orındı aldı, 2009-jılı Xalıq bilimlendiriw ministrligi tárepinen Nawayı qalasında ótkerilgen «Eń jaqsı folklor jámááti» atlı kórik-tańlawda 2-orındı alıwǵa miyassar boldı. Kafedra talabaları 2004-jılı Ózbekistan Respulikası joqarı oqıw orınlarınıń «Ózbekistan qoslıq bayramı» kórik-tańlawınıń jeńimpazı boldı. Qánigeligimiz talabalarınan 2008-jılı Xalıq bilimlendiriw ministrligi tárepinen ótkerilgen «Diyarım taronalari» kórik-tanlawında 3-kurs talabası Utemuratova Elenora «Eń jaqsı jeke atqarıwshı ushın» nominaciyasın jeńip alǵan bolsa, al 2009-jılı Nawayı qalasında ótkerilgen «Eń jaqsı folklor jámááti» atlı kórik-tańlawda 1-kurs talabası Allaniyazova Urxiya «Eń jaqsı jeke lápápshi» nominaciyasın jeńip aldı. Kafedra oqıtıwshısı Aygúl Nadırova Ózbekistan Respublikası kóleminde ótkerilgen barlıq koncert baǵdarlamalarınıń qatnasıwshısı bolıp kelmekte.  

Ziyrek talabalar  

Talabalarımız hár jılı «Watanımdı jırlayman» kórik-tańlawı hám «Kelajak ovozi» kórik-tańlawı, ziyrek talaba, Tashkent qalasında ótkeriletuǵın pán olimpiyadası, hám bir qansha ilimiy miynetleri, institut kóliminde ótkeriletuǵın ilimiy-ámeliy konferenciyalarǵa qatnasıp, bir qansha ilimiy miynetleri, baspa sóz betlerinde jariyalanbaqta. Muzıka tálimi qánigeligi talabaları 4-kurs talabaları Yusupov Ruslan, Abdijamilova Perizat, Atajanov Radjivler Respublika kóleminde ótkerilip kiyatıǵan koncertlerde belsene qatnasıp kelmekte. Tleov Nawrız Respublika basqıshinda ótkerilgen «Yagonasan, muqaddas Watan» kórik tańlawında diplomant boldı. Sattarov Atajan, Ismoylov Elyor Atajan Xudayshukurov esteligine baǵıshlap ótkerilgen «Nafosat bostonim» kórik tańlawında maqtaw jarlıǵı menen sıylıqlandı. Al 2-kurs talabası Bekturǵanova Ǵumshagúl 2013-jılı 12-dekabrde ókerilgen (Xalıq artisti Ayımxan Shamuratova húrmetine shólkem-lestirilgen) kórik-tańlawda sıylı 1-orındı iyelegeni, al usı jılı Ózbekistan kólmindegi joqarı oqıw orınları arasında ótkerilgen «Joqarı mánawiyatlı áwlad» festivalında 1–orındı alıp jeńimpaz bolǵanı institutımız ushın úlken maqtanısh boldı. Talabalardıń ilimiy dóretiwshilik hám oqıw-metodikalıq jumısların jedellestiriw maqsetinde kafedrada «Qosıq hám saz atqarıw» dógeregi shólkemlestirilgen. Bul dógerekke docent D.Allanazarov hám úlken oqıtıwshı B.Qalmenovlar basshılıq etip kelgen bolsa. Házirgi waqıtta jas pedagog – xızmetker İqlasbay Moyanıp hám Aygul Nadırovalar basqarıp kelmekte. Bunda kafedra pedagog – xızmetkerler ziyrek talabalar menen birgelikte islesiw barısında olardıń kásiplik sheberligin, ilimiy dóretiwshilik qábiletin jetilistiriw ushın belsene úzliksiz túrde dóretiwshilik jumısların alıp barmaqta. Házirgi waqitta ziyrek talantli  talabalarımızdan 4a kursında bilim alıp atırǵan talabalarımızdan Ǵumshagul Bekturǵanova Tlewmuratov Turdımurat, Gawhar Aytjanova, 2a kursında tálim alıp atırǵan talabalarımızdan Daniyar Ismailov, Nurmuxan Jubatxanovlardı atap ótsek orınlı.