Өзбекстан мәмлекетлик көркем өнер ҳәм мәденият институты Нөкис филиалының режиссёрлық ҳәм актёрлық шеберлиги кафедрасы музыкалық театр актёрлығы тәлим бағдарының 2-курс студентлери атқарыўында Әжинияз атындағы Нөкис мәмлекетлик педагогикалық институтының мәденият сарайында бир неше дөретпелерден сахналық көринислер студентлердиң нәзерине усынылды.

– Бүгин студентлеримиз қысқы рейтинг баҳаларын алыўы ушын В.Шекспирдиң «Ромео ҳәм Джульетта», П.Тилегеновтың «Ҳүждан» музыкалық драмасы ҳәм Т.Мәтмуратовтың «Жақсы адамның жүреги» философиялық драмасынан үзиндилер таярлап келген. Оларды институттың студентлери нәзерине усынбақтамыз. Биз бул арқалы филиалымыз студентлериниң берген билим ҳәм көнликпелеримизди өзлестириў дәрежеси, актёрлық шеберлигине баҳа бере аламыз ҳәм институт жасларының бос ўақытларын мазмунлы өткериўге үлес қосқан боламыз, – дейди кафедра баслығы Л.Оразымбетова.

Сахналық дөретпелерден үзиндилер институт жаслары кеўиллеринен терең орын алды.

Ислам Матеков,

НМПИ баспасөз хаткери.