Usı jıl 20-21 may kúnleri Nókis qalasında «Qazaqstan bilim kúnleri» atamasında kórgizbe bolıp ótedi. Ilaj «Jaslar orayı»nda ótkeriliwi rejelestirilgen bolıp, onda Qazaqstannıń 40tan aslam joqarı oqıw orınları delegaciyaları qatnasadı.
«Ózbekstanda Qazaqstan jılı» múnásibeti menen shólkemlestirilgen bul ilajdı ótkeriwden maqset Ózbekstan Respublikası menen Qazaqstan Respublikası joqarı oqıw orınları arasında birge islesiwdi rawajlandırıwdan, sonday-aq, ózbekstanlı jaslardı Qazaqstannıń joqarı oqıw orınlarında tálim alıwǵa shaqırıwdan ibarat.
Kórgizbede qazaqstanlı joqarı oqıw orınları tárepinen prezentaciyalar shólkemlestirilip, Qazaqstandaǵı joqarı oqıw orınlarına oqıwǵa kiriw boyınsha keń túrde túsinikler beriledi.
Ilajǵa Qaraqalpaqstandaǵı bárshe joqarı bilimlendiriw mákemeleriniń studentleri, professor-oqıtıwshıları, mektep hám licey-kolledj oqıwshıları – qızıǵıwshı hámme qatnasıwına boladı.

NMPI Xalıqaralıq birge islesiw bólimi