Өзбекстан Республикасы Президенти тәрепинен алға сүрилген бес әҳмийетли басламаның «Жаслар мәнаўиятын раўажландырыў, олар арасында китапқумарлықты кең үгит-нәсиятлаў» бойынша 4-басламасын орынлаў мақсетинде 2019-жылы 14-июнь күни институт мәжилислер залында Қарақалпақ әдебияты кафедрасы шөлкемлестириўинде Өзбекстан Илимлер Академиясы Өзбек тили, әдебияты ҳәм фольклоры институтының «Өзбек фольклоры» бөлиминиң баслығы, филология илимлери докторы, профессор, белгили фольклоршы алым М.Жўраев пенен талаба-жаслар, магистрантлар, излениўшилер ҳәм профессор-оқытыўшылардың қатнасыўында «Түркий халықлар фольклортаныўының әҳмийетли мәселелери» атамасындағы дөңгелек стол сәўбети өткерилди. Дөңгелек стол сәўбетин институттың Илимий ислер ҳәм инновациялық мәселелер бойынша проректоры П.Қалқанов кирис сөз бенен ашты ҳәм алып барды. Буннан соң Қарақәлпақ әдебияты кафедрасы баслығы, филология илимлери докторы, профессор К.Алламбергенов «Белгили фольклоршы алым, зәбердес илим пидайысы Жўраев Маматқулдың өмири ҳәм илимий дөретиўшилиги ҳаққында бир-еки аўыз сөз» деген темада баянат жасады. Буннан кейин филология илимлери докторы, профессор, белгили фольклоршы алым М.Жўраев «Түркий халықлар фольклортаныўының әҳмийетли мәселелери» темасында шығып сөйлеп, ҳәзирги түркий халықлар, соның ишинде өзбек, қарақалпақ халықларының көркем аўызеки дөретиўшилигиниң жәҳән фольклористикасы контекстиндеги орны ҳаққында айтып өтти.

Өзбек әдебияты кафедрасының профессоры, Филология илимлериниң докторы К.Қурамбаев шығып сөйлеп, белгили фольклоршы алым М.Жўраевтың фольклортаныўдағы мийнетлери ҳаққында айтып өтти.

Буннан соң сораў-жуўап болып өтти. Жыйналғанлар фольклористика илиминиң бүгини ҳәм келешеги, китапқумарлық мәдениятының раўажланыўында көркем аўызеки дөретиўшилигиниң роли, жас излениўшилердиң фольклористика бойынша илимий-изертлеў жумыслары темалары ҳаққында жуўаплар алды.

П.Дабылов,

Декан орынбасары.