Қазақстан Республикасының Алматы қаласында болып өткен Халықаралық көп жанрлық IV «Gloria» таңлаў-фестивалында Әжинияз атындағы Нөкис мәмлекетлик педагогикалық институтының педагогика факультети музыкалық тәлим бағдарының студентлери Қәллибек Муҳаммеддинов ҳәм Давронбек Ендирбаевлар қатнасты.

Қәллибек Муҳаммеддинов халықаралық таңлаў-фестивалында 19-25 жаслылар арасында эстрадалық вокал, соло жөнелиси бойынша өз талантын көрсеткен болса, Давронбек Ендирбаев усы жас категориясы бойынша фольклор жыраў, соло жөнелиси бойынша қатнасты.

Фестиваль жуўмақларына муўапық, институтымыздың еки студенти де өз жөнелислери бойынша 1-орынға ылайық деп табылды.

Студентлерди фестивальға таярлаған педагогика факультети оқытыўшысы, Өзбекстанға хызмет көрсеткен артист Айгүл Надыроваға миннетдаршылық хаты берилди.