2019-jıldıń 13-dekabr kúni Nókis mámleketlik pedagogikalıq institutınıń Bas binası mádeniyat zalında“Kvant 119 jasta” atamasındaǵı fizikalıq keshe bolıp ótti. Kvant fizikasına 1900-jılıoktyabr ayındaBerlin fizika jámiyetiniń jıynalısında Maks Plank óziniń absolyut qara dene nurlanıw spektrında energiyanıń bólistiriliwi nızamların túsindiretuǵın formulalardı tapqanın járyaladı. Eki ay ótip 14-dekabr kúni sol usınıs etken formulalardıń keltirip shıǵarılıwın diskret energiya alamasıwı yaǵnıy energiya kvantları usılı tiykarında túsindirip berdi. Sol sáneden baslap Kvant fizikasına tiykar salınǵan bolıp tabıladı.Bul ilim-pán ushın jańa dúnya bolıp xızmet etip atır. Bul bayramdi “Fizika oqıtıw metodikası” kafedrası docenti B.Ya.Yavidovtıń basshılıǵında “Kvant” keshesin magistrantlar hám talaba jaslar ayırıqsha kóterińki ruwxta hár jılı ótkeriwdi ádetke aylandırıp atır.

Sol qatarı mine usı jılıda institutımızdıń Anıq hám tábiyiy pánlerdi oqıtıw metodikası (fizika hám astronomiya) qánigeli magistrantları hám Fizika hám astronomiyanı oqıtıw metodikası talaba jasları bul bayramdı joqarı dárejede ótkeriw ushın institut mádeniyat zalında óz saxnalıq kórinisleri menen jıynalǵanlardı zeriktirip qoymadı. Bayram keshesin institutımız oqıw isleri boyınsha prorektorımız M.Á.Jumamuratov ashıp berdi. Kvant keshesindegi professor-oqıtıwshılar,magistrant hám talaba jaslarǵa tabıslar tiledi. Keyin bayram qatnasıwshıları óz dokladları, ayaq oyınları,saxnalıq kórinislerin basla jiberdi.

Talabalar óz saxnalıq shıǵıwlarında fizikalıq hádiyselerdi turmıslıq waqıyalarǵa baylanıstırıp házil-kúlki kórinisinde bayram keshesine qatnasıwshılarǵa túsindiriwge háreket etti.

Kvantmexanikasimikroskopikálemkórinisinúyrenedi. Onıńayırımjańalıqları sol dárejedetańqalarlıdárejede, hátteki Plank ózikápmártetánalǵanınday, bultarawdıńjańalıqlarıinsánaqılıntezletipjiberedi. DegensózlermenenbayramkeshesinB.Yavidovjuwmaqladı. “Kvant” keshesine aktiv qatnasqan magistrantlar hám talabalarǵa oqıw hám ilimiy-dáretiwshilik jumıslarında tabıslar tilep óz minnetdarshılıǵın bildirdi.

Bayram keshesi sońında oqıtıwshılar hám qatnasıwshılar estelik ushın súwretke tústi.

Tayarlaǵan: NMPI Anıq hám tábiyiy pánlerdi oqıtıw metodikası (fizika hám astronomiya) qánigeligi 2-kurs magistrantı I.Jaksimuratov