Ájiniyaz atındaǵı Nókis mámleketlik pedagogikalıq insitutınıń kafedralarında Elsevier kompaniyasınıń Scopus, Science Direct hám Mendeley xalıq aralıq maǵlıwmatlar bazalarınan paydalanıwdıń áhmiyeti atamasındaǵı seminar-trening bolıp ótti.

Seminar-trening Málimleme-resurs orayınıń sırt el málimleme-kitapxana resurs orayları menen islew bólimi tárepinen shólkemlestirildi. Institutımız O`zbekstan Respublikası Joqarı hám orta arnawlı bilimlendiriw ministrligi hámde Niderlandiyanıń Elsevier kompaniyası menen dúzilgen «Ilm-fan 2020» baǵdarlaması tiykarında Science Direct, Scopus hám Mendeley xalıqaralıq ilimiy maǵlıwmatlar bazalarına jalǵanǵan.

Bul bazalardan paydalanıwdı jolǵa qoyıw maqsetinde MROnıń sırt el málimleme-kitapxana resurs orayları menen islew bóliminde «Másláhát orayı» shólkemlestirilgen.

Seminar-treningte Science Direct, Scopus va Mendeley xalıqaralıq maǵlıwmatlar bazalarınıń áhmiyeti hám olardan paydalanıw boyınsha túsinikler berildi.