Әжинияз атындағы Нөкис мәмлекетлик педагогикалық институты ректоры Б.Отемуратов Елликқала педагогика факультетинде оқып атырған студентлер менен ушырасты.

Студентлер менен болған сәўбетлесиўлерде оқыў ҳәм әмелият барысын, сондай-ақ, материаллық-техникалық базаны жетилистириў, усы мақсетте алдағы исленетуғын жумыслар ҳаққында кең түрде пикир алмасылды.

Институт ректоры факультетте жаратылған қосымша шараятлар – оқыў аудиториялары, аўқатланыў орынлары, жатақхана ҳәм басқа да имаратлардағы исленген жумыслар менен танысты.

Еслетип өтемиз, Өзбекстан Республикасы Президентиниң 2017-жыл 26-сентябрьдеги «Жоқары билимлендириў мәкемелерине кириў ушын талабанларды мақсетли таярлаў системасын буннан былай да жетилистириў илажлары ҳаққында»ғы ПҚ-3290-санлы қарары тийкарында Әжинияз атындағы Нөкис мәмлекетлик педагогикалық институтының Елликқала педагогика факультети шөлкемлестирилген еди.

НМПИ баспасөз хызмети.