Алдын хабар бергенимиздей, бүгин, 9-март күни пайтахтымыздағы Қарақалпақ мәмлекетлик жас тамашагөйлер театрында Әжинияз атындағы Нөкис мәмлекетлик педагогикалық институтының барлық факультетлери арасында «Қуўнақлар ҳәм зийреклер» таңлаўының институт басқышы өткерилмекте.

Түске шекемги өткерилген таңлаўға түркий тиллер факультетиниң «Шапалақ», дене мәденияты факультетиниң «Беглер», шет тиллери факультетиниң «Лидер», баслаўыш тәлим факультетиниң «Баслаўыштың жулдызлары» ҳәм тәбийғый пәнлер факультетиниң «Тәбийғый аргонавтлар» командалары қатнасты.

Таңлаўда студентлер сәлемнама, биатлон ҳәм музыкалық көринис шәртлери арқалы өз қәбилетлерин көрсетти.

Төрешилер қурамының баҳалаўлары бойынша командалар:

Түркий тиллер факультетиниң «Шапалақ» командасы улыўма 9 балл;

Дене мәденияты факультетиниң «Беглер» командасы улыўма 11,4 балл;

Шет тиллери факультетиниң «Лидер» командасы улыўма 9,9 балл;

Баслаўыш тәлим факультетиниң «Баслаўыштың жулдызлары» командасы улыўма 8,2 балл;

Тәбийғый пәнлер факультетиниң «Тәбийғый аргонавтлар» командасы улыўма 8,6 балл топлады.

Басқа факультетлер таңлаўдың түстен кейинги басқышында өз қәбилетлерин көрсетеди.

НМПИ баспасөз хызмети.