2021-2022-oqıw jılı ushın Ózbekstan boyınsha ulıwma 948 211 abiturient hújjet tapsırǵan.

Sonnan:
Kúndizgi tálim baǵdarlarına – 479 627;
Sırtqı tálim baǵdarlarına – 435 995;
Keshki tálim baǵdarlarına – 32 589.

Tiller kesiminde alıp qaraytuǵın bolsaq:
Ózbek tili – 804 660;
Rus tili – 109 232;
Qaraqalpaq tili – 31 462;
Basqa tiller – 2 857.

Bul juwmaqlawshı statistika bolıp, oǵan test sınaǵı ushın tólem tólemegen, tálim baǵdarların saylamaǵan, tekseriwler nátiyjelerine muwapıq ele mektepti pitkermegeni anıqlanǵan abiturientler kirgizilmegen.

Qaraqalpaqstandaǵı joqarı oqıw orınlarına hújjet tapsırıw kórsetkishleri tómendegishe:

Berdaq atındaǵı Qaraqalpaq mámleketlik universiteti – 24 525;
Ájiniyaz atındaǵı Nókis mámleketlik pedagogikalıq institutı – 20 184;
Qaraqalpaqstan medicina institutı – 3 841;
Qaraqalpaqstan awıl xojalıǵı hám agrotexnologiyalar institutı – 3 641;
Tashkent informaciyalıq texnologiyalar universiteti Nókis filialı – 2 179;
Ózbekstan mámleketlik kórkem óner hám mádeniyat institutı Nókis filialı – 808;
Nawayı mámleketlik kánshilik institutı Nókis filialı – 562;
Samarqand veterinariya medicinası institutı Nókis filialı – 1 341;
Ózbekstan mámleketlik denetárbiya hám sport universiteti Nókis filialı – 1 144;
Ózbekstan mámleketlik konservatoriyası Nókis filialı – 81;
Tashkent mámleketlik ekonomika universiteti Tórtkúl fakulteti – 253.

Islam Matekov,
Qaraqalpaqstan xabar agentligi.