Mámleketlik test orayınıń mandat.dtm.uz saytına hayal-qızlar, mayıplıǵı bolǵan adamlar hám «Mehribanlıq úyi» jáne Balalar qalashalarınıń pitkeriwshileri bolǵan tolıq jetimler ushın beriletuǵın jeńilliklerge iye abiturientler haqqındaǵı maǵlıwmatlar ornalastırıldı.

Usı jeńilliklerdiń birine iye bolǵan abiturient mandat.dtm.uz saytınıń «Jeńillikli» bóliminen tiyisli jeńillik túrin saylaǵan halda usı jeńillikke iye abiturientler haqqındaǵı maǵlıwmatlardı kóriwi hám jeńillik sheńberinde neshinshi orında turǵanın biliwi múmkin.

Bunda abiturientlerdiń dizimi olardıń toplaǵan balları tiykarında tártiplenedi jáne usı jeńillik sheńberinde ajıratılǵan qosımsha qabıllaw kórsetkishleri sanı kórsetiledi.

Hayal-qızlar ushın beriletuǵın jeńillik abiturient qaysı joqarı oqıw ornına tapsırǵanına qaramastan onıń turaqlı dizimde turǵan mánzili tiykarında qollanıladı hám kúndizgi tálim formaları ushın orınlı bolıp tabıladı.

Mayıplıǵı bolǵan adamlar hám «Mehribanlıq úyi» jáne Balalar qalashalarınıń pitkeriwshileri bolǵan tolıq jetimler ushın beriletuǵın jeńillik bolsa hár bir tálim forması ushın joqarı oqıw ornı kesiminde qollanıladı.

Jeńillik sheńberinde studentlikke usınıs etilmegen abiturientler barlıq abiturientler sıyaqlı ulıwmalıq tańlawda da qatnasadı.

Islam Matekov,
Qaraqalpaqstan xabar agentligi.