2021-2022-oqıw jılı ushın mámleketlik joqarı oqıw orınlarınıń magistratura qánigeliklerine kiriw imtixanlarınıń 2-basqıshı, yaǵnıy, shet tili boyınsha test sınaqları 2021-jıldıń 28-29-avgust kúnleri 3 smenada ótkeriledi. Bul haqqında Mámleketlik test orayı xabar berdi.

Test sınaqları:

1-smenada 08:00 den 09:00 ge shekem;
2-smenada 17:30 dan 18:30 ǵa shekem;
3-smenada 20:00 den 21:00 ge shekem bolıp ótedi.

Bunda talabanlarǵa dizimnen ótiw waqtında ózleri saylaǵan shet tili páninen 30 test sorawı beriledi hám 1 saat waqıt ajıratıladı.

Ministrler Kabinetiniń 2017-jıl 20-iyundaǵı 393-qararına muwapıq, test sınaqlarında toplaw múmkin bolǵan maksimal ball 50 balldı quraydı.

Talabanlar test sınaǵında qatnasıw ushın ruxsatnamanı Mámleketlik test orayınıń magistr.edu.uz saytınan alıwı múmkin.

Talabanlardan test sınaǵı ótkeriletuǵın aymaqqa shaxsın tastıyıqlawshı hújjet hám test sınaǵında qatnasıw ushın ruxsatnama menen belgilengen waqıttan keminde yarım saat aldın keliwi soraladı.

Islam Matekov.