Sońǵı waqıtlarda elimizde koronavirus penen keselleniw kórsetkishleri salıstırmalı túrde turaqlılasıp atırǵanın esapqa alıp, Respublikalıq arnawlı komissiya tárepinen Ózbekstan Respublikası mámleketlik ǵárezsizliginiń otız jıllıq bayramı ilajların kóterińki ruwxta ótkeriw maqsetinde Qaraqalpaqstan Respublikası, wálayatlar hám Tashkent qalasında ashıq maydanlarda seyiller, koncert tamashaları hám kewilashar baǵdarlamalardı shólkemlestiriw boyınsha tiyisli shólkemler tárepinen berilgen usınıslar maqullandı.

Ǵárezsizliktiń otız jıllıǵı bayramına tayarlıq kóriw hám onı joqarı dárejede ótkeriwdi támiyinlewge juwapkerler tárepinen bayram ilajlarına keliwshilerdiń nıqap taǵıwı, sociallıq aralıqtı saqlawı, jeke gigienalıq qaǵıydalarǵa qatań ámel etiwi boyınsha qadaǵalawdı kúsheytiwdi támiyinlewi shártligi belgilendi.

Usı orında Densawlıqtı saqlaw ministrligi bayram ilajları ótkeriletuǵın maydanlarda, sonday-aq, shólkem, kárxana, mákemelerde, iri sawda kompleksleri, supermarketler, kewilashar mákemelerde nıqapta bolıw, sociallıq aralıqtı saqlaw, dene temperaturasın ólshew ámeliyatlarına ámel etiliwin sorap qaladı.

Islam Matekov,
Qaraqalpaqstan xabar agentligi.