Nókis qalasında Ózbekstan Respublikası mámleketlik ǵárezsizliginiń 30 jıllıǵı bayramı qarsańında dástúriy túrde ótkerilip kiyatırǵan «Eń ullı, eń áziz» tańlawınıń jeńimpazların sıylıqlaw ilajı bolıp ótti.

Tańlawda jurnalistika, kórkem ádebiyat, súwretlew óneri sıyaqlı baǵdarlar boyınsha dóretiwshilik jumıslar tóreshiler quramı tárepinen múnásip bahalanıp, jeńimpazlar kelesi basqıshqa jollamanı qolǵa kirgizdi, dep jazbaqta Ózbekstan kórkem óner akademiyası QR bólimi.

Quwanıshlısı, súwretlew óneri baǵdarında Ájiniyaz atındaǵı Nókis mámleketlik pedagogikalıq institutı magistrantı, bir neshe respublikalıq hám xalıqaralıq tańlawlar jeńimpazı, xalıqaralıq «Turan» sıylıǵınıń laureatı Polatjan Abreymovtıń portret hám peyzaj janrındaǵı shıǵarmaları 1-orınǵa ılayıq dep tabıldı.

Polatjannıń qolǵa kirgizgen tabısları menen qutlıqlay otırıp, tańlawdıń kelesi basqıshında áwmet tileymiz!

NMPI baspasóz xızmeti.