Ózbekstan Respublikası Prezidentiniń «Muǵallimler hám ustazlar kúni múnásibeti menen tálim-tárbiya sistemasında ayrıqsha órnek kórsetken xızmetkerlerden bir toparın sıylıqlaw haqqında»ǵı pármanına muwapıq, mámleketimizde bilimlendiriw sistemasın xalıqaralıq standartlar tiykarında rawajlandırıw, tarawǵa baylanıslı reformalardı tabıslı ámelge asırıw, oqıw-tárbiya procesinde aldınǵı sırt el texnologiyaların keńnen en jaydırıw jumıslarına qosqan múnásip úlesi, oqıwshılarǵa ilim tiykarların hám zamanagóy kásip-ónerlerdi úyretiw, olardıń intelektuallıq potencialın jetilistiriwdegi intakerligi hám pidayılıǵı, joqarı tájiriybeli kadrlardı tayarlaw, fizikalıq hám ruwxıy jaqtan bárkamal áwladtı qáliplestiriw, jaslarımızdı watansúyiwshilik, milliy hám ulıwma insanıylıq qádiriyatlarǵa húrmet ruwxında ullı ata-babalarımızǵa múnásip miyrasxorlar etip tárbiyalaw baǵdarındaǵı ibratlı jumısı hám jámiyetlik turmısqa belsene qatnasqanı ushın bir topar pidayı insanlar húrmetli ataq, orden hám medallar menen sıylıqlandı.

Quwanıshlı tárepi, usınday pidayı insanlar arasında Ájiniyaz atındaǵı Nókis mámleketlik pedagogikalıq institutınıń ózbek ádebiyatı kafedrası professorı Karimbay Qurambaev «Fidokorona xizmatlari uchun» ordeni menen sıylıqlanǵanlıǵı pútkil institut jámááti ushın bayramǵa múnásip sawǵa boldı.

Professor Karimbay Qurambaevtı institut rektoratı hám barlıq jámááti atınan qutlıqlay otırıp, aldaǵı ilimiy-pedagogikalıq jumıslarında tabıslar bola beriwin tileymiz!

NMPI baspasóz xızmeti.