18-noyabr – Ózbekstan Respublikasınıń mámleketlik bayraǵı qabıl etilgen kún. Sáne múnásibeti menen Ájiniyaz atındaǵı NMPI kishi májilisler zalında ushırasıw keshesi bolıp ótti.

Ilajdı instituttıń ruwxıy-aǵartıwshılıq bólimi baslıǵı B.Bekmuratov ashıp berdi hám basqarıp bardı.

Ushırasıwǵa Qaraqalpaq mámleketlik universiteti docenti A.Bayrıeva, instituttıń milliy ideya, ruwxıylıq tiykarları hám huqıq tálimi kafedrasınıń úlken oqıtıwshısı Q.Pirimbetov, paytaxtımızdaǵı áskeriy bólim xızmetkerleri, student jaslar qatnastı.

Ilajda sózge shıqqanlar bunnan sarras 30 jıl aldın – 1991-jılı 18-noyabrde Ózbekstan Respublikasınıń «Mámleketlik bayraǵı haqqında»ǵı nızamınıń qabıl etilgenligi hám sol kúnnen baslap ǵárezsiz mámleketimizdiń simvolı sıpatında xalıqaralıq shólkemler, dúnya júzindegi barlıq mámleketler hám hár qıylı jarıslar, olimpiadalar, festivallarda mámleketimizdiń tiykarǵı nıshanı ekenligi haqqında aytıp ótti.