Ózbekstan Respublikası Ministrler Kabineti janındaǵı Bilimlendiriw sapasın qadaǵaw boyınsha mámleketlik inspekciyasınıń Qazaqstan Respublikası Miras, Silkway, Orda, Oraylıq Aziya innovaciya hám Quwatbekov atındaǵı Xalıqlar doslıǵı universitetleriniń licenziyası boyınsha bergen rásmiy maǵlıwmatlarına tiykarlanıp, usı universitetlerden oqıwın respublikalıq joqarı oqıw orınlarına kóshiriw ushın ótkerilgen imtixan nátiyjelerine muwapıq usınıs etilgen studentlerdiń belgilengen tártipte oqıwǵa qabıl etiliwi jáne sabaqlarǵa qatnasıwına Joqarı hám orta arnawlı bilimlendiriw ministrligi tárepinen ruxsat berildi.

Esletip ótemiz, aldın 2020-jılı Qazaqstan universitetlerinde ótkerilgen tekseriwler nátiyjesinde birneshe nızam buzılıw jaǵdayları anıqlanǵanı sebepli Orda (burınǵı «Silkway» xalıqaralıq universiteti) hám Miras universitetleriniń licenziyası toqtatılǵanı, óz mámleketinde licenziyaǵa iye bolmaǵan hám akkreditaciyalanbaǵan sırt el joqarı oqıw orınlarınıń diplomları Ózbekstanda tán alınbaytuǵını haqqında xabar berilgen edi.