Ózbekstan Respublikasınıń «Mayıplıǵı bolǵan adamlardıń huqıqları haqqında»ǵı nızamına muwapıq:

– Shólkemler mayıplıǵı bolǵan adamlardıń sport obektleri, dem alıw, sonday-aq, turistlik obektlerden biypul paydalanıwın támiyinlew ushın zárúr sharayatlardı jaratadı;

– Mámleket mayıplıǵı bolǵan adamlarǵa, puqaralarǵa biypul medicinalıq járdem kórsetiwdiń mámleketlik kepillikleri baǵdarlaması sheńberinde qánigeli medicinalıq járdem kórsetiliwi boyınsha ilajlardı ámelge asıradı;

– Mámleket mayıplıǵı bolǵan balalardıń biypul ulıwma orta, mektepten tıs, orta arnawlı hám professional bilim alıwına kepillik beredi;

– Mayıplıǵı bolǵan adamlar ushın joqarı oqıw orınlarında mámleketlik grant tiykarında abiturientlerdi qabıllaw boyınsha ulıwmalıq sanınıń 2 procenti muǵdarında qosımsha qabıllaw kvotası ajıratıladı;

– Mayıplıǵı bolǵan adamlar sanatoriy-kurortta biypul salamatlastırıw, sonday-aq, dári-darmaqlar, mayıplıǵı bolǵan adamlardı emlew ushın arnalǵan medicinalıq buyımlar jáne mayıplıǵı bolǵan balalar ushın arnawlı emlik qásiyetke iye azıq-awqat ónimleri menen támiyinleniw huqıqına iye;

– Mayıplıǵı bolǵan adamlar jeńillestirilgen shártler tiykarında sociallıq turaq jay alıw huqıqına iye;

– Miymanxanalarda keminde bir bólme orınlı arbashadan paydalanatuǵın mayıplıǵı bolǵan adamlar ushın qolaylı etip úskeneleniwi, sonday-aq, esitiw hám kóriw boyınsha mayıplıǵı bolǵan adamlar ushın displeyler jáne dawıslı qurılmalar ornatılıwı shárt;

– Jergilikli mámleketlik hákimiyat uyımları mayıplıǵı bolǵan adamlarǵa jergilikli byudjet qarjıları esabınan qosımsha sociallıq kepillikler belgilew huqıqına iye.

Tayarlaǵan: Islam Matekov,
Qaraqalpaqstan xabar agentligi.