Ájiniyaz atındaǵı NMPIde Ózbekstan Respublikası Konstituciyası qabıl etilgenine 29 jıl tolıwı múnásibeti menen tariyx fakultetiniń 1-kurs studentleri arasında «Siz nızamdı bilesiz be?» tańlawı bolıp ótti.

Tańlawdı instituttıń jaslar menen islesiw hám ruwxıy-aǵartıwshılıq isleri boyınsha prorektorı Q.Qadirov ashıp berip, ilajǵa jıynalǵanlar hám barlıq qatnasıwshılardı Bas Nızamımızdıń qabıl etilgen bayramı menen qutlıqladı hám komandalarǵa áwmet tiledi.

Tańlawda sálemnama, soraw-juwaplar hám saxnalıq kórinis shártleri boyınsha fakultettiń barlıq tálim baǵdarlarınan ulıwma 8 komanda konstituciyalıq bilim jáne kónlikpelerin sınaqtan ótkerdi.

Tóreshiler quramınıń bahalawları menen tańlaw juwmaǵında «Jańa Ózbekstan qurıwshıları» hám «Ádalat» komandaları 1-orındı iyeledi. 2-orın «Temuriyler áwladları», «Demokratlar» hám «Ózbekstan jasları» komandalarına nesip etken bolsa, 3-orındı «Femida», «Huqıqtanıwshılar» hám «Erudit» komandaları bánt etti.

Tańlaw juwmaǵında barlıq qatnasıwshı komanda aǵzalarına institut rektoratı hám kásiplik awqamı komiteti tárepinen tayarlanǵan diplom hám estelik sawǵaları tapsırıldı.