Kópshilik abiturientler hám olardıń ata-anaları, sonday-aq, joqarı hám professional bilimlendiriw mákemeleriniń múrájatların esapqa ala otırıp, Respublikalıq bilimlendiriw mákemelerine oqıwǵa qabıllaw boyınsha Mámleketlik komissiyasınıń tiyisli qararına muwapıq, 2021-2022-oqıw jılında joqarı hám professional bilimlendiriw mákemeleri studentleri jáne oqıwshılarınıń oqıwı ushın kontrakt muǵdarın tólewdiń sońǵı múddeti 2022-jıldıń 1-mart kúni etip belgilendi. Bul haqqında JOABM málimleme xızmeti xabar berdi.

Xabarda jazılıwınsha, bul múddet tómendegiler:

– tólemli kontrakt tiykarında joqarı bilimlendiriw mákemelerine studentlikke (magistratura, bakalavr) usınıs etilgenler;
– tólemli kontrakt tiykarında professional bilimlendiriw mákemelerine (texnikum, kolledj) oqıwshılıqqa usınıs etilgenler;
– eselengen tólemli kontrakt («super kontrakt») tiykarında studentlikke usınıs etilgenler;
– oqıwı kóshirilgen (kóshirip tiklengen) hám qayta tiklengen studentler ushın ámel etedi.