Moynaq rayonında Bas prokuratura tárepinen Innovaciyalıq rawajlandırıw ministrligi menen birgelikte zamanagóy texnologiyalar hám kompyuter baǵdarlamaları, mobil qosımshalar boyınsha forum hám kórgizbe shólkemlestirildi.

Keń jámiyetshilikti ilim hám texnika tarawındaǵı jańa texnologiyalar menen tanıstırıw, innovaciyalıq texnologiyalardı ǵalaba túrde qollanıw kólemin keńeytiw ushın qáwenderlerdi biriktiriw, ekologiyalıq innovaciya tarawın rawajlandırıw, joqarı oqıw orınları professor-oqıtıwshıları hám studentleri arasında ilimiy-texnikalıq maǵlıwmatlar almasıwın jolǵa qoyıw maqsetinde shólkemlestirilgen ilajǵa NMPI professor-oqıtıwshıları hám studentler qatnastı.

Ilaj dawamında qatnasıwshılar «My Garden in the Aral Sea» joybarı sheńberinde terek egiwge qatnastı.

Ilaj sońında qatnasıwshılar Moynaqtaǵı Ájiniyaz Qosıbay ulınıń qoyımshılıǵın zıyaratladı.